ກວາດີໂອລາ ເຕືອນ ແມນຊິຕີ ຢ່າຟ້າວຫລົງຕົວ ເຊື່ອ ອາເຊນອລ ດີພໍຊະນະລວດເກມທີ່ເຫລືອ

ເປັບ ກວາດີໂອລາ ເຕືອນລູກທີມແມນເຊສເຕີ ຊິຕີ ຢ່າຟ້າວຫລົງລະເລີງ ເຖິງຫາກໍຊະນະຂຶ້ນເປັນຜູ້ນຳຂອງຕາຕະລາງພຣີເມຍລີກ ຊື້ຫລັງຈາກນີ້ຄູ່ແຂ່ງຢ່າງອາເຊນອລ ໜ້າຈະຊະນະລວດໄດ້.

ໃນເກມຫລ້າສຸດ ເມື່ອວັນທີ 30 ເມສາທີ່ຜ່ານມາ ແມນເຊສເຕີ ຊິຕີ ບຸກໄປເອົາຊະນະ ຟູແລມ 2-1 ທີມຢາມໄດ້ປະຕູຈາກ ເອີລິງ ເບຣົາ ຮາແລນ ນາທີ 2, ຮູລຽໜ ອັລບາເລສ ນາທີ 36 ສ່ວນເຈົ້າຖິ່ນໄດ້ປະຕູຈາກ ຄາລອສ ວິນິຊິອຸສ ນາທີ 15.

ເຮັດໃຫ້ ແມນເຊສເຕີ ຊິຕີ ລົງສະໜາມ 32 ນັດ ເກັບເພີ່ມເປັນ 76 ຄະແນນ ແຊງ ອາເຊນອລ ທີ່ມີ 75 ຄະແນນ ຂຶ້ນໄປນຳຕາຕະລາງ ໂດຍທີ່ ແມນຊິຕີ ແຂ່ງໜ້ອຍກວ່າ 1 ນັດ ສ່ວນ ຟູແລມ ແຂ່ງ 33 ນັດ ເກັບເພີ່ມໄປ 45 ຄະແນນ ຢູ່ອັນດັບ 10.

ກວາດີໂອລາ ກ່າວວ່າ : “ ຂ້ອຍຄິດວ່າຄູ່ແຂ່ງຂອງເຮົາຄົງບໍ່ພາດຄະແນນຫລາຍອີກ ອາເຊນອລ ມີຄວາມສາມາດທີ່ຈະຊະນະໄດ້ທຸກເກມທີ່ເຫລືອ ເຮົາເຫລືອອີກ 6 ເກມ ແລະ ຕ້ອງພະຍາຍາມເອົາຊະນະທຸກໄຊຊະນະຂອງເຮົາ ຈະເຮັດໃຫ້ເຮົາໃກ້ສູ່ການແຊ໊ມເປັນແຊ໊ມຍິ່ງຂຶ້ນ ”.