ສະຖິຕິໂລກ ເປີດຂໍ້ສະເໜີສຸດທ້າຍ ຊີກກາຕ້າ ຍື່ນຊື້ ແມນຢູ ຈາກຕະກູນເກລເຊີ

Daily mail ສື່ຊື່ຂອງອັງກິດລາຍງານຂ່າວວ່າ ກຸ່ມທຶນຈາກກາຕາທີ່ນຳໂດຍ ຊີກ ຢາສຊິມ ບິນ ຮາຫມັດ ອັລ ທານີ ຍື່ນຂໍ້ສະເໜີສຸດທ້າຍຫລາຍກວ່າ 5,000 ລ້ານປອນ ເພື່ອຂໍຊື້ກິດຈະການສະໂມສອນ ແມນເຊສເຕີ ຢູໄນເຕັດ ຈາກຕະກູນເກລເຊີ ເປັນທີ່ຮຽບຮ້ອຍ ກ່ອນເສັ້ນຕາຍເມື່ອເວລາ 22:00 ຂອງຄືນວັນສຸກທີ່ຜ່ານມາ.

ກ່ອນໜ້ານີ້ ຊີກ ຢາສຊິມ ບິນ ຮາຫມັດ ອັລ ທານີ ເຄີຍຍື່ນຂໍ້ສະເໜີມາແລ້ວ 2 ຄັ້ງ ເຊ່ັນດຽວກັບ ເຊີ ຈິມ ແຣ໊ດຄລິຟ ມະຫາເສດຖີຂອງອັງກິດ ແນວໃດກໍຕາມຫລ້າຸສຸດ ຊີກ ຢາສຊິມ ບິນ ຮາຫມັດ ອັລ ທານີ ໄດ້ຍື່ນຂໍ້ສະເໜີຫລາຍກວ່າ 5,000 ລ້ານປອນ ໃຫ້ຕະກູນເກລເຊີພິຈາລະນາ ແລະ ເຊື່ອວ່ານີ້ຄືຂໍ້ສະເໜີທີ່ດີສຸດ ແລະ ເປັນຂໍ້ສະເໜີສຸດທ້າຍທີ່ພວກເຂົາຈະຍື່ນຂໍ້ສະເໜີແລ້ວ.

ສຳລັບແຜນງານຂອງ ຊີກ ຢາສຊິມ ຄືການປົດໜີ້ໃຫ້ສະໂມສອນ, ອັດສີດເມັດເງິນໃນການເສີມທີມ ປັບປຸງໂຄງສ້າງພື້ນຖານ ເຊ່ັນ : ສະໜາມແຂ່ງຂັນ ລວມໄປເຖິງການໃຊ້ຈ່າຍເພື່ອຊຸມຊົນທ້ອງຖິ່ນນຳອີກ.