3 ເດືອນຕົ້ນປີ 2023 ນີ້ ຜູ້ມີວຽກເຮັດງານທຳໃນຕົວເມືອງຂອງຈີນເພີ່ມຂຶ້ນ 2,97 ລ້ານຄົນ

ຂ່າວສານຊີອາໄອລາຍງານ ເມື່ອວັນທີ 24 ເມສາ ຜ່ານມາ, ກະຊວງຊັບພະຍາກອນມະນຸດ ແລະ ປະກັນສັງຄົມຈີນໄດ້ຈັດກອງປະຊຸມຖະແຫລງຂ່າວໄຕມາດທຳອິດຂອງປີ 2023.

ໂດຍອີງຕາມໂຕເລກຂໍ້ມູນຈາກກະຊວງຊັບພະຍາກອນມະນຸດ ແລະ ປະກັນສັງຄົມສະແດງໃຫ້ເຫັນວ່າ: ນັບແຕ່ເດືອນມັງກອນຫາເດືອນມີນາປີນີ້, ຜູ້ມີວຽກເຮັດງານທຳໃນຕົວເມືອງທົ່ວປະເທດຈີນເພີ່ມຂຶ້ນ 2,97 ລ້ານຄົນ ເມື່ອທຽບໃສ່ໄລຍະດຽວກັນຂອງປີ 2022. ໃນເດືອນມີນາປີນີ້, ອັດຕາວ່າງງານທີ່ໄດ້ສຳຫລວດໃນຕົວເມືອງທົ່ວປະເທດແມ່ນ 5,3% ຫລຸດລົງ 0,5% ເມື່ອທຽບໃສ່ເດືອນມີນາປີ 2022.

ທ້າຍເດືອນມີນາ, ແຮງງານຫລຸດພົ້ນອອກຈາກຄວາມທຸກຍາກມີເຖິງ 30,74 ລ້ານຄົນ ໄດ້ສຳເລັດໜ້າທີ່ເປົ້າໝາຍຂອງສົກປີທີ່ຜ່ານມາມີຫລາຍກວ່າ 30 ລ້ານຄົນ. ຄຽງຄູ່ກັບເສດຖະກິດຈີນຂະຫຍາຍໄປສູ່ທິດທາງທີ່ດີ, ນະໂຍບາຍບຸລິມະສິດດ້ານການປະກອບອາຊີບໄດ້ຮັບການຈັດຕັ້ງປະຕິບັດເປັນຢ່າງດີ, ຈີນມີເງື່ອນໄຂ ແລະ ມີພື້ນຖານຈະສຳເລັດເປົ້າໝາຍທ້າຍປີນີ້.