ກຳປັ່ນໂດຍສານຂວໍ້າຢູ່ທະເລອິນໂດເນເຊຍ ເຮັດໃຫ້ມີຜູ້ເສຍຊີວິດ 10 ກວ່າຄົນ

ຕາມ​ຂ່າວ​ຈາກ ​ເປ​ກັນ​ບາຣູ, ວັນ​ທີ 28 ​ເມສາ 2023 ​ຜ່ານມາ,​ ເຈົ້າໜ້າ​ທີ່ ທາງ​ການ​ຂອງ ອິນ​ໂດ​ເນ​ເຊຍ ຖະ​ແຫລ​ງ ກ່ຽວ​ກັບ ກຳ​ປັ່ນ​ ໂດຍສານຂວໍ້າ ໃນ​ພື້ນ​ທີ່ ຕາ​ເວັນ​ຕົກ​ ຂອງ​ປະ​ເທດ ​ເຮັດ​ໃຫ້​ມີ​ ຜູ້​ເສຍ​ຊີວິດ 11 ຄົນ ​ ຈາກ​ຈຳນວນ ​ຜູ້​​ໂດຍສານ​ ທັງ​ໝົດ 78 ຄົນ  ແລະ ສາມາດຊ່ວຍຊີວິດຂຶ້ນມາໄດ້ແລ້ວ 58 ຄົນ, ຫລັງ​ຈາກ ກຳ​ປັ່ນ​ລຳ​ນີ້ ພວມ​ມຸ່ງ​ໜ້າ​ໄປ​​ ເມືອງ​ຕັນ​ຈຸ​ງປີ​ນັງ ບໍລິ​ເວນ ​ໝູ່​ເຄາະ ຣິຍາ. ປັດຈຸບັນ ​ເຈົ້າໜ້າ​ທີ່​ກ່ຽວຂ້ອງ ພວມ​​​ເລັ່ງຄົ້ນຫາ​ ຜູ້​ສູນຫາຍຢ່າງ​ຮີບ​ດ່ວນ ​ແລະ ສືບສວນ​ສອບ​ສວນ ຫາສາ​ເຫດ ທີ່​ເກີດ​ຂຶ້ນ​ ໃນ​ຄັ້ງນີ້.