ແຟນ ແມນຢູ ຮ້ອງເພງກະຕຸ້ນໃຫ້ ແຮລີ່ ເຄນ ຍ້າຍມາຮ່ວມທີມໃນພັກແລ້ງນີ້ ສ່ວນຜູ້ກ່ຽວ ຂໍຕັ້ງໃຈກັບເກມທີ່ເຫລືອກັບ ສະເປີ

ວັນທີ 28 ເມສາ 2023 ທີ່ຜ່ານມາ ຄວັນຫລົງການແຂ່ງຂັນບານເຕະ ພຣີເມຍລີກ ອັງກິດ ນັດສຳຄັນຄືນທີ່ຜ່ານມາ ແມນເຊັສເຕີ ຢູໄນເຕັດ ບຸກໄປສະເໝີ ສະເປີ 2-2 ທັ້ງທີ່ໄດ້ປະຕູຂຶ້ນນຳກ່ອນ 2-0 ໃນເຄິ່ງເວລາທຳອິດ ເຮັດໃຫ້ “ຜີສາດແດງ” ຍັງຄົງຢູ່ອັນດັບ 4. ມີ 60 ຄະແນນຈາກ 31 ນັດ, ຍັງລຸ້ນພື້ນທີ່ຍາດປີ້ໄປເຕະ ຢູຟາ ແຊ້ມປ້ຽນລີກ ກັບ “ໄກ່ເດືອຍທອງ” ທັອດແນມ ຮັອດສະເປີ ຢູ່ອັນດັບ 5 ມີ 54 ຄະແນນຈາກ 33 ນັດ.

ໂລກໂຊຊ້ຽວໄດ້ແຊຣຄລິບທີ່ແຟນບານ ແມນຢູ ພ້ອມໃຈກັນຮ້ອງເພງໃນຕອນທ້າຍຂອງເຄິ່ງທໍາອິດ ເພື່ອກະຕຸ້ນໃຫ້ ແຮລີ່ ເຄນ ກອງໜ້າຂອງ ສະເປີ ຍ້າຍມາຮ່ວມທີມໃນພັກແລ້ງນີ້ ໂດຍມີໃຈຄວາມວ່າ “ແຮລີ່ ເຄນ ແລ້ວເຮົາຈະພົບກັນໃນເດືອນມິຖຸນານີ້.”

ທັ້ງນີ້ ແຮລີ່ ເຄນ ອາຍຸ 29 ປີ ຍັງບໍ່ຕໍ່ສັນຍາກັບ ສະເປີ ໂດຍຍັງເຫລືອອີກ 1 ປີ ທ່າມກາງຂ່າວລືວ່າ ແມນເຊັສເຕີ ຢູໄນເຕັດ ເປັນເປົ້າໝາຍສູງສຸດຂອງເຂົາ. ໃນການເສີມທັບໃນລະດູຮ້ອນນີ້.

ຄລິບວິດີໂອແຟນບານແມນຢູ: https://twitter.com/i/status/1651680150482743299