ແມນຢູ ເລັງຄວ້າມືກາວທີມຊາດໂຄຣເອເຊຍເຝົ້າເສົາແທນ ເດ ເຄອາ

ແມນເຊສເຕີ ຢູໄນເຕັດ ເລັ່ງຄວ້າ ໂດມີນິກ ລີວາໂຄວິດ ຜູ້ຮັກສາປະຕູທີມຊາດໂຄຣເອເຊຍ ມາເຝົ້າເສົາແທນ ເດບິດ ເດ ເຄອາ ໃນໄລຍະລະດູການນີ້ ຫລັງສ້າງຜົນງານໄດ້ຢ່າງໜ້າປະທັບໃຈໃນບານໂລກ ຄັບ 2022.

ລີວາໂຄວິດ ສະແດງຜົນງານໃຫ້ ໂຄຣເອເຊຍ ໄດ້ຢ່າງໂດດເດັ່ນໃນການແຂ່ງຂັນບານໂລກ 2022 ທີ່ປະເທດກາຕາ ແລະ ພວມຈະເຂົ້າສູ່ສັນຍາປີສຸດທ້າຍຫລັງຈົບລະດູການນີ້.

ຂະນະທີ່ ເດລີ ເມລ ສື່ເມືອງອັງກິດ ລາຍງານວ່າ ແມນເຊສເຕີ ຢູໄນເຕັດ ພ້ອມຈ່າຍຄ່າຈີກສັນຍາຈຳນວນ 8,9 ລ້ານປອນ ເພື່ອຄວ້າ ມືກາວອາຍຸ 28 ມາຮ່ວມທີມ ຫລັງ ເອຣິກ ເທນ ຮາກ ຜູ້ຈັດການທີມຊາວເນເທີແລນ ເລີ່ມບໍ່ໄວ້ວາງໃຈ ເດ ເຄອາ ທີ່ມີບັນເລື່ອງການເປີດບານດ້ວຍຕີນຈົນນຳໄປສູ່ການເສຍປະຕູຢູ່ເລື່ອຍໆ.

ນອກຈາກນີ້ ແມນເຊສເຕີ ຢູໄນເຕັດ ລີວາໂຄວິດ ຍັງເຄີຍຕົກເປັນຂ່າວກັບ ນ໊ອດຕິງແຮມ ຟໍເຣສ ແລະ ເລສເຕີ ຊິຕີ ມາແລ້ວເຊ່ັນດຽວກັນ.