ເມສັນ ເມົ້າ ແລະ ຣີສ ເຈມສ໌ ເຊົາເຈັບບໍ່ທັນລະດູການນີ້ ປິດເທີມຍາວຮຽບຮ້ອຍ

ກ່ອນໜ້າການແຂ່ງຂັນພຣີເມຍລີກ ອັງກິດ ລະຫວ່າງ ເຊວຊີ ກັບ ເບຣນຟອດ, ແຟຣັງ ແລມພາດ ເປີດເຜີຍສອງນັກເຕະຄົນສຳຄັນວ່າ ເມສັນ ເມົ້າ ແລະ ຣີສ ເຈມສ໌ ໃນຊ່ວງຫລັງນີ້ທີ່ທັງສອງຄົນມີເວລາລົງສະໜາມໜ້ອຍຫລາຍ. ອາດຈະພາດການລົງຫລິ້ນເກມທີ່ຍັງເຫລືອທັງໝົດໃນລະດູການນີ້.

ທາງດ້ານຂອງ ຣີສ ເຈມສ໌ ມີອາການບາດເຈັບທີ່ກ້າມເນື້ອຕົ້ນຂາດ້ານຫລັງ, ຂະນະທີ່ ເມສັນ ເມົ້າ ຕ້ອງພັກຮັກສາຕົວຍ້ອນບັນຫາບໍລິເວນຊ່ວງໜ້າທ້ອງ.

ໂດຍ ແຟຣັງ ແລມພາດ ໄດ້ໃຫ້ສໍາພາດວ່າ “ຣີສ ເຈມສ໌ ຈະບໍ່ສາມາດລົງຊ່ວຍທີມຕະຫລອດລະດູການທີ່ເຫລືອໄດ້, ໃນຂະນະທີ່ ເມສັນ ເມົ້າ ຍັງບໍ່ພ້ອມລົງເຊັ່ນເດີມ ແຕ່ລາວອາດຈະກັບມາໃນນັດສຸດທ້າຍຂອງລະດູການ. ເຫັນໄດ້ວ່ານີ້ແມ່ນເລື່ອງໜ້າຜິດຫວັງສໍາລັບພວກເຮົາ ແລະ ຍັງ ໄຄ ຮາແວດ ທີ່ມີບັນຫາກ່ຽວກັບຫົວເຂົ່າ. ລາວອາດຈະພ້ອມສໍາລັບເກມໃນຕອນທ້າຍຂອງອາທິດ.