ກຳລັງການຜະລິດຕິດຕັ້ງພະລັງງານແສງຕາເວັນ ໃນທົ່ວໂລກ ເພີ່ມຂຶ້ນສູງເຖິງ 25%
ສຳນັກຂ່າວຊິນຮວາລາຍງານ:ວັນທີ 25 ເມສາ 2023 ນີ້, ສະຖາບັນ ເສດຖະກິດ ພະລັງງານ ແລະ ການວິເຄາະ ການເງິນ (IEEFA) ລາຍງານວ່າ: ກຳລັງການຜະລິດສະສົມ ຂອງພະລັງງານ ແສງຕາເວັນ (PV) ແບບຕິດຕັ້ງ ແລະ ແບບນໍາໃຊ້ໃນທົ່ວໂລກ ໃນປີ 2022 ເພີ່ມຂຶ້ນ ຫລາຍກວ່າ 25% ສົ່ງຜົນໃຫ້ມີການຕິດຕັ້ງ ແລະ ໃຊ້ພະລັງງານແສງຕາເວັນ ທົ່ວໂລກ 240 ກິກາວັດ ໃນນີ້ ສປ ຈີນ ຍັງເປັນປະເທດ ຕິດຕັ້ງ ແລະ ຜະລິດແຝງ ພະລັງງານ ແສງຕາເວັນ ຫລາຍທີ່ສຸດໃນໂລກ ກວມເອົາ 106 ກິກາວັດ ຫລື ປະມານ 44% ຂອງກຳລັງ ການຜະລິດ ທີ່ເພີ່ມຂຶ້ນ ທົ່ວໂລກ.ຂະນະທີ່ ສະຫະພາບ ເອີຣົບ(ອີຢູ) ມີກຳລັງ ການຜະລິດ ຕິດຕັ້ງ ແຝງພະລັງງານ ແສງຕາເວັນໃໝ່ 38,7 ກິກາວັດ ໃນປີ 2022 ເພີ່ມຂື້ນຈາກ 27 ກິກາວັດ ໃນປີ2021 ແລະ 20 ກິກາວັດ ໃນປີ2020 ແລະ ອີຢູ ຍັງເປັນຕະຫລາດ ຂະໜາດໃຫຍ່ ອັນດັບ 2 ໃນດ້ານກຳລັງ ການຜະລິດ ສະສົມ 209,3 ກິກາວັດ.
