ສສ ຫວຽດນາມ-ເຊັກ ຈະສູ້ຊົນວົງການຄ້າ ໃຫ້ບັນລຸ 1 ຕື້ໂດລາສະຫະລັດ
April 24, 2023 - 5:29 PM
ຕາມຂ່າວຈາກ ວິທະຍຸ ສາກົນ ຫວຽດນາມ, ສສ ຫວຽດນາມ ແລະ ເຊັກ ໄດ້ວາງອອກ ເປົ້າໝາຍ ນຳວົງເງິນ ການຄ້າ ສອງຝ່າຍ ໃຫ້ບັນລຸ 1 ຕື້ໂດລາ ສະຫະລັດ ໃນຮອບເວລາ 1-2 ປີຕໍ່ໜ້າ ພາຍຫລັງ ທ່ານ ປີເຕີ ໄຟລາ (Petr Fiala),ນາຍົກ ລັດຖະມົນຕີ ເຊັກ ໄດ້ພົບປະກັບ ທ່ານ ຟ້າມ ມິນຈີງ, ນາຍົກ ລັດຖະມົນຕີ ສສ ຫວຽດນາມ ເມື່ອບໍ່ດົນມານີ້ ໂດຍທັງສອງຝ່າຍ ຕົກລົງ ເຫັນດີ ຈະສືບຕໍ່ສະໜັບ ສະໜູນ ເຊິ່ງກັນ ແລະ ກັນ ຢ່າງແໜ້ນ ແຟ້ນ ຢູ່ບັນດາ ເວທີປາໄສ ຫລາຍຝ່າຍ, ອົງການ ຈັດຕັ້ງສາກົນ, ໂດຍສະ ເພາະ ແມ່ນສະຫະ ປະຊາຊາດ, ເວທີປາໄສ ຮ່ວມມື ອາຊີ-ເອີຣົບ(ASEM), ຂອບເຂດການຮ່ວມມື ລະຫວ່າງ ອາຊຽນ ເພື່ອປະກອບສ່ວນ ໃຫ້ແກ່ ສັນຕິພາບ, ການ ຮ່ວມມື, ພັດທະນາ ຢູ່ພາກພື້ນ ແລະ ໃນໂລກ.
ສຳລັບ ກ່ຽວກັບ ບັນຫາ ຄວາມໝັ້ນຄົງ, ໃນນັ້ນ ມີທະເລຕາຈີນໃຕ້, ການນຳ 2 ຝ່າຍ ໄດ້ເນັ້ນໜັກເຖິງ ຄວາມຈຳເປັນ ຕ້ອງແກ້ ໄຂບັນດາ ການຂັດ ແຍ້ງກັນ ໂດຍສັນຕິວິທີ, ສອດຄ່ອງກັບ ກົດໝາຍສາກົນ.
ແຫລງຂ່າວ: ຂປລ ວັນທີ 24 ເມສາ 2023
