Apple ເລືອກຫວຽດນາມ ເພື່ອເຊັນສັນຍາສ້າງໂຮງງານຜະລິິດ MacBook

ສຳນັກຂ່າວຕ່າງປະເທດລາຍງານ: Apple ກຳລັງຢູ່ລະຫວ່າງການເຈລະຈາ ກັບຜູ້ສະໜອງສິນຄ້າ ໃນການຍ້າຍຖານການຜະລິດ MacBook ມາຍັງປະເທດໄທ ເພື່ອຫລຸດການເພິ່ງພາຈາກຈີນ.ໂດຍຜູ້ສະໜອງສິນຄ້າລະບຸວ່າ: Apple ສົນໃຈທີ່ຈະຜະລິດ MacBook ໃນຫວຽດນາມ ໃນຂະນະທີ່ ຜູ້ສະໜອງສິນຄ້າໄດ້ໃຫ້ຄຳແນະນຳກັບ Apple ວ່າ ໄທເອງ ກໍເປັນອີກໜຶ່ງຕົວເລືອກທີ່ດີ.

ຫລ້າສຸດ Apple ໄດ້ຕັດສິນໃຈເລືອກຫວຽດນາມ ເປັນຖານການຜະລິດ MacBook ແຫ່ງໃໝ່ເປັນທີ່ຮຽບຮ້ອຍແລ້ວ. ໂດຍ Quanta Computer Inc ເຊິ່ງເປັນຜູ້ສະໜອງສິນຄ້າ ທີ່ເຮັດໜ້າທີ່ຜະລິດ MacBook ໃຫ້ Apple ໄດ້ເຊັນສັນຍາການກໍ່ສ້າງໂຮງງານທີ່ຈະໃຊ້ໃນການຜະລິດ MacBook ດ້ວຍມູນຄ່າຫລາຍກວ່າ 120 ລ້ານໂດລາສະຫະລັດ.

ສຳລັບໂຮງງານແຫ່ງນີ້ມີຂະໜາດ 22.5 ເຮັກຕາ, ຕັ້ງຢູ່ແຂວງ ນາມດິງ ທາງຕອນເໜືອຂອງຫວຽດນາມ ຖືເປັນໂຮງງານແຫ່ງທີ 9 ຂອງບໍລິສັດ Quanta Computer Inc. ຢ່າງໃດກໍຕາມ, ເຖິງຈະມີການເຊັນສັນຍາເພື່ອກໍ່ສ້າງເປັນທີ່ຮຽບຮ້ອຍແລ້ວ ແຕ່ກໍຍັງບໍ່ມີການລາຍງານເພີ່ມເຕີມວ່າ ໂຮງງານແຫ່ງນີ້ຈະເລີ່ມຜະລິດ MacBook ໄດ້ເມື່ອໃດ.

ອ້າງອີງຈາກ: https://finance.yahoo.com/news/apple-macbook-maker-build-plant-034651262.html

https://www.reuters.com/technology/taiwans-apple-supplier-quanta-plans-vietnam-factory-2023-04-22/