ບຸນປີໃໝ່ລາວ ພ.ສ 2566 ແຂວງຄຳມ່ວນ ມີອຸບັດຕິເຫດເກີດຂຶ້ນ 19 ລາຍ ມີຄົນເສຍຊີວິດ 2 ຄົນ

ເຈົ້າໜ້າທີ່ ປກສ ແຂວງຄຳມ່ວນ ລາຍງານວ່າ: ໃນວັນທີ 11-17 ເມສາ 2023 ກໍຄືໃນຊ່ວງເທສະການບຸນປີໃໝ່ລາວ ພ.ສ 2566 ໃນທົ່ວແຂວງຄຳມ່ວນ ມີອຸບັດຕິເຫດເກີດຂຶ້ນທັງໝົດ 19 ລາຍ ເຮັດໃຫ້ມີຈຳນວນເສຍຊີວິດທັງໝົດ 2 ຄົນ.

ໃນນັ້ນ, ລົດຈັກລົ້ມເອງ 3 ລາຍ, ລົດກະບະຕໍາລົດໄຖນາ 2 ລາຍ, ລົດຈັກຕໍາລົດຈັກ 2 ລາຍ, ລົດກະບະຕໍາລົດຈັກ 2 ລາຍ, ລົດຕູ້ຕໍາລົດບັນທຸກ 1 ລາຍ, ລົດຈັກຕໍາລົດບັນທຸກ 1 ລາຍ, ລົດຈັກຕໍາລົດໄຖນາ 1 ລາຍ, ລົດກະບະຕໍາລົດກະບະ ແລະ ຕໍາເຮືອນ 1 ລາຍ, ລົດຈັກຕໍາລົດກະບະ 1 ລາຍ, ລົດເກງຕໍາລົດຈັກ 1 ລາຍ, ລົດກະບະຕໍາລົດເກງ 1 ລາຍ, ລົດກະບະຕໍາລົດຖີບ 1 ລາຍ, ລົດຈິບປິ້ນເອງ 1 ລາຍ ແລະ ລົດຈັກຕໍາຄົນຍ່າງ 1 ລາຍ. ເຮັດໃຫ້ມີຈຳນວນເສຍຊີວິດທັງໝົດ 2 ຄົນ, ໄດ້ຮັບບາດເຈັບເລັກໜ້ອຍ 14 ຄົນ, ບາດເຈັບສົມຄວນ 17 ຄົນ ແລະ ບາດເຈັບສາຫັດ 5 ຄົນ, ມີພາຫະນະເປ່ເພທັງໝົດ 39 ຄັນ ແລະ ເຮືອນເປ່ເພ 1 ຫລັງ.

ສ່ວນຂອບເຂດເມືອງທີ່ມີການເກີດອຸບັດຕິເຫດຫລາຍແມ່ນ: ເມືອງທ່າແຂກ 4 ລາຍ, ຫີນບູນ 4 ລາຍ, ຍົມມະລາດ 4 ລາຍ, ບົວລະພາ 2 ລາຍ, ເຊບັ້ງໄຟ 2 ລາຍ, ຄູນຄໍາ 2 ລາຍ ແລະ ເມືອງໜອງບົກ 1 ລາຍ.