ເຟີມີໂນ ຕົກລົງຍ້າຍໄປຮ່ວມທີມ ບາເຊໂລນາ ຫລັງຈົບລະດູການນີ້

ໂຣແບໂຕ ເຟີມີໂນ ກອງໜ້າ ລີເວີພູລ ຕົກເປັນຂ່າວບັນລຸຂໍ້ຕົກລົງໃນການຍ້າຍທີມໄປຮ່ວມທີມ ບາເຊໂລນາ ເປັນທີ່ຮຽບຮ້ອຍແລ້ວໃນລະດູການໜ້າ.

ສຳລັບ ເຟີມີໂນ ຈະອຳລາ ລີເວີພູລ ຫລັງຈົບລະດູນີ້ແນ່ນອນແລ້ວ ຫລັງເລືອກທີ່ຈະບໍ່ຂະຫຍາຍສັນຍາສະບັບໃຫມ່ກັບທີມອອກໄປເຊິ່ງທີ່ຜ່ານມາມີຂ່າວວ່າຫລາຍທີມດັງຢາກໃຫ້ຕົວດາວເຕະອາຍຸ 31 ປີ ລາຍນີ້ໄປເສີມທີມ ທັງອິນເຕີ ມິລານ ແລະ ໂຣມາ ຈາກອິຕາລີ, ແອັດເລຕີໂກ ມາດຣິດ ຈາກສະເປນ, ກາລາຕາຊາຣາຍ ຈາກຕວກກີ ແລະ ເຊນ ຫລຸຍ ຊິຕີ ທີມຈາກສະຫະລັດ ອາເມລິກາ.

ແຕ່ຫລ້າສຸດ ເດລີ ເມລ ສື່ຊື່ດັງໃນອັງກິດເປີດເຜີຍວ່າ ຟີມີໂນ ໄດ້ບັນລຸຂໍ້ຕົກລົງໃນການຍ້າຍໄປຢູ່ກັບ ບາເຊໂລນາ ແບບບໍ່ມີຄ່າຕົວຫລັງຈົບລະດູການນີ້ເປັນທີ່ຮຽບຮ້ອຍ.

ທັງນີ້ ຟີມີໂນ ຍ້າຍຈາກ ຮອຟເຟນໄຮ ມາຢູ່ກັບລີເວີພູລ ເມື່ອປີ 2015 ໂດຍລາວສ້າງຜົນງານໃຫ້ ລີເວີພູລ ໄດ້ຢ່າງສຸດຍອດດ້ວຍສະຖິຕິຍິງ 109 ປະຕູກັບ 79 ແອສຊິສ ຈາກການລົງສະໜາມ 360 ນັດທຸກລາຍການ.

ແນວໃດກໍຕາມໃນຂະນະນີ້ກອງໜ້າທີມຊາດບຣາຊິລພົບບັນຫາອາການບາດເຈັບກ້າມຊີ້ຢູ່ ແລະ ຄາດວ່າຈະບໍ່ສາມາດລົງສະໜາມໃຫ້ ລີເວີພູລ ໄດ້ໃນອີກ 3 ເກມຂ້າງໜ້າ.