ມຽນມາ ສົ່ງອອກອາຫານທະເລປະເພດກຸ້ງ ຫລາຍກວ່າ 16.000 ໂຕນ

ສຳນັກຂ່າວຊິນຮວາລາຍງານ: ວັນທີ 20 ເມສາ 2023 ຜ່ານມາ, ສຳນັກງານການປະມົງຂອງມຽນມາ ເປີດເຜີຍວ່າ: ມຽນມາສົ່ງອອກ ອາຫານທະເລປະເພດກຸ້ງ ຈຳນວນ16.050 ໂຕນ. ໂດຍຄິດເປັນ ມູນຄ່າ 56,64 ລ້ານໂດລາ ສະຫະລັດ ໃນສົກປີ ງົບປະມານ 2022-2023, ເພີ່ມຂຶ້ນ ຈາກສົກປີ ກ່ອນໜ້າຈຳນວນ 14.116 ໂຕນ.

ມຽນມາ ສົ່ງອອກປະເພດ ກຸ້ງ ຜ່ານທາງ ທະເລ ຫລາຍກວ່າ 14.929,95 ໂຕນ ແລະ ຜ່ານເສັ້ນທາງບົກ ເກືອບ1.120,81 ໂຕນ ເປັນຕົ້ນປະເທດ ຈີນ, ອົດສະຕຣາລີ, ສ.ອາເມລິກາ, ສິງກະໂປ, ມາເລເຊຍ ແລະ ບາງປະເທດ ໃນເອີຣົບ. ນອກຈາກນີ້ ຂໍ້ມູນທາງການຍັງລະບຸ ວ່າ: ປະລິມານການສົ່ງອອກ ຜະລິດຕະພັນທາງທະເລ ຂອງມຽນມາ ລວມເຖິງ ປາ ແລະ ກຸ້ງ ບັນລຸມູນຄ່າລວມ 765,94 ລ້ານໂດລາສະຫະລັດ ໃນສົກປີ 2022-2023 ໂດຍເລີ່ມຕົ້ນ ນັບແຕ່ ວັນທີ 1 ເມສາປີ 2022 ແລະ ສິ້ນສຸດ ໃນວັນທີ 31 ມີນາປີ 2023.