ອາເຈນຕິນາ ກຳລັງປະເຊີນການລະບາດຂອງພະຍາດໄຂ້ເລືອດອອກ ເສຍຊີວິດແລ້ວ 40 ຄົນ

ສຳນັກຂ່າວຕ່າງປະເທດລາຍງານຈາກນະຄອນຫລວງບົວໂນສໄອເຣສ ປະເທດ ອາເຈນຕິນາ, ວັນທີ 22 ເມສາ 2023 ກະຊວງສາທາລະນະສຸກລາຍງານວ່າ: ພົບຜູ້ເສຍຊີວິດຢ່າງໜ້ອຍ 40 ຄົນ ຈາກໄຂ້ເລືອດອອກ ແລະ ມີຄົນເຈັບສະສົມຫລາຍກວ່າ 60,000 ຄົນ ນັບຕັ້ງແຕ່ຕົ້ນປີເປັນຕົ້ນມາ, ສ່ວນຫລາຍຢູ່ທາງພາກຕາເວັນອອກສຽງເໜືອຂອງປະເທດ ເຊິ່ງມີຊາຍແດນຕິດກັບຊີຣີ ແລະ ໂບລິເວຍ.

ຂໍ້ມູນຈາກອົງການອະນາໄມໂລກລະບຸວ່າ: ພະຍາດໄຂ້ເລືອດອອກເກີດຈາກເຊື້ອ ທີ່ມີຍຸງລາຍເປັນພາຫະ ເຮັດໃຫ້ປະຊາກອນໂລກຕາຍປີລະ50-100 ລ້ານຄົນ, ສ່ວນໃຫຍ່ເປັນພົນລະເມືອງທີ່ອາໄສຢູ່ປະເທດທີ່ມີພູມອາກາດຮ້ອນ,ຊື້ນ. ເຊິ່ງທຳອິດຄົນຕິດເຊື້ອຈະມີອາການເຈັບຫົວ, ປວດຂໍ້, ມີໄຂ້ ແລະ ມີຜື່ນແດງຕາມຮ່າງກາຍ ຖ້າອາການຮຸນແຮງຈະເຮັດໃຫ້ເກີດເກັດເລືອດຕໍ່າ ແລະ ຄວາມດັນເລືອດຕໍ່າຈົນຊອກ ແລະ ເສຍຊີວິດໄດ້.