ລັດຖະມົນຕີ ສສກ ລົງຊຸກຍູ້ວຽກງານສຶກສາ ວິທະຍາສາດ ແລະ ກິລາ ຢູ່ຮາກຖານເຂດທີ່ມີຄວາມຫຍຸ້ງຍາກ ແຂວງຊຽງຂວາງ

ທ່ານ ພຸດ ສິມມາລາວົງ ລັດຖະມັນຕີ ກະຊວງສຶກສາທິການ ແລະ ກິລາ (ສສກ) ໄດ້ລົງຊຸກຍູ້ວຽກງານການສຶກສາ ວິທະຍາສາດ ແລະ ກິລາ ຢູ່ເຂດຈຸດສຸມ ລ່ອງນໍ້າເນີນ ເມືອງຄຳ ແຂວງຊຽງຂວາງ ໃນວັນທີ 13-14 ເມສາ 2023, ໂດຍມີຄະນະນຳທີ່ກ່ຽວຂ້ອງ, ຕົວແທນໂຮງຮຽນມັດທະຍົມສຶກສາ 3 ແຫ່ງ ແລະ ປະຖົມສຶກສາ 17 ແຫ່ງເຂົ້າຮ່ວມ.

ເພື່ອຊຸກຍູ້ພື້ນຖານການສຶກສາ ວິທະຍາສາດ ແລະ ກິລາ ໃນເຂດທີ່ມີຄວາມຫຍຸ້ງຍາກທີ່ສຸດແຫ່ງໜຶ່ງຂອງແຂວງຊຽງຂວາງ, ເພື່ອຮັບຟັງສະພາບ ແລະ ບັນຫາການຈັດການຮຽນ-ການສອນ ແລະ ຊຸກຍູ້ໃຫ້ກໍາລັງໃຈຜູ້ບໍລິຫານການສຶກສາ ແລະ ກິລາ ໃນການປະຕິບັດໜ້າທີ່ ເນື່ອງໃນໂອກາດສົ່ງທ້າຍປີເກົ່າ ພສ 2565 ແລະ ຕ້ອນຮັບປີໃໝ່ລາວ ພສ 2566.

ໂອກາດດັ່ງກ່າວ, ທ່ານລັດຖະມົນຕີ ສສກ ໄດ້ຮັບຟັງການລາຍງານຂໍ້ສະດວກ, ສິ່ງທ້າທາຍ ແລະ ຂໍ້ສະເໜີຂອງທ້ອງຖິ່ນ. ພ້ອມທັງໄດ້ໂອ້ລົມ ແລະ ມອບອຸປະກອນການສຶກສາ ແລະ ກິລາ ໃຫ້ແກ່ຕົວແທນໂຮງຮຽນທັງ 20 ແຫ່ງອີກດ້ວຍ.

ຂໍ້ມູນ: ຫ້ອງການ ສສກ