ອົງການອະນາໄມໂລກເຕືອນ ໂຄວິດ-19 ຈະກັບມາແພ່ລະບາດໄດ້ງ່າຍ

ວັນທີ 19 ເມສາ 2023 ຜ່ານມາ  ອົງການອະນາໄມໂລກ (WHO) ໄດ້ກ່າວເຕືອນວ່າ ການແພ່ລະບາດຂອງພະຍາດໂຄວິດ-19 ຍັງຄົງກັບມາແພ່ລະບາດໄດ້ງ່າຍ ແລະ ຍັງຄົງເປັນບັນຫາຕໍ່ໄປ ກ່ອນທີ່ການແພ່ລະບາດຈະຢຸດຕິລົງໃນຮູບແບບທີ່ຄາດເດົາໄດ້.

ໃນໄລຍະ 28 ວັນ ຜ່ານມາ, WHO ໄດ້ຮັບການລາຍງານວ່າ ມີຜູ້ເສຍຊີວິດຈາກພະຍາດໂຄວິດ-19 ຫຼາຍກວ່າ 23.000 ຄົນ ແລະ ມີຜູ້ຕິດເຊື້ອໃໝ່ 3 ລ້ານຄົນ ເນື່ອງຈາກມີການກວດຫາເຊື້ອໂຄວິດ-19 ໜ້ອຍລົງ. ທ່ານ ໄມເຄິນ ໄຣອັນ ຜູ້ອຳນວຍການຝ່າຍສຸກເສີນຂອງ WHO ລາຍງານວ່າ ຂະນະທີ່ຈຳນວນໂຕເລກຜູ້ຕິດເຊື້ອ ແລະ ຜູ້ເສຍຊີວິດເລີ່ມຫຼຸດລົງ ແຕ່ຍັງຖືວ່າມີຄົນຈຳນວນຫຼາຍກຳລັງຈະເສຍຊີວິດ ແລະ ຍັງມີຄົນອີກຈຳນວນຫຼາຍທີ່ກຳລັງເຈັບປ່ວຍຢູ່.

ພະຍາດໂຄວິດ-19 ບໍ່ໄດ້ປ່ຽນຈາກການແພ່ລະບາດໃຫຍ່ໄປສູ່ພະຍາດປະຈຳທ້ອງຖິ່ນ ແຕ່ໃນທາງກັບກັນການຕິດເຊື້ອໜ້ອຍລົງເພາະເຖິງຈຸດສູງທີ່ສຸດຕາມລະດູການແລ້ວ.

ທ່ານ ໄມເຄິນ ໄຣອັນ ກ່າວຕື່ມວ່າ: ພະຍາດໂຄວິດ-19 ບໍ່ອາດຈະໝົດໄປ ແລະ ຈະມີການລະບາດເໝືອນໄຂ້ຫວັດໃຫຍ່ພ້ອມທັງຍັງຄົງກໍ່ໃຫ້ເກີດພະຍາດລະບົບທາງເດີນຫາຍໃຈຕໍ່ຜູ້ທີ່ຮ່າງການອ່ອນແອ ຊຶ່ງບາງປະເທດຍັງມີປະຊາກອນທີ່ອ່ອນໄຫວຈຳນວນຫຼາຍທີ່ຍັງບໍ່ໄດ້ຮັບການສັກວັກຊີນ ຂະນະທີ່ການແພ່ລະບາດຂອງພະຍາດໂຄວິດ-19 ໃນປະເທດອື່ນໆບໍ່ແມ່ນສະຖານະການສຸກເສີນອີກຕໍ່ໄປ.

ທີ່ມາ: ປະຊາຊົນ