ທະນາຍຄວາມຊາອຸດິ ອາຣະເບຍ ຮຽກຮ້ອງໃຫ້ເນລະເທດ ໂຣນັລໂດ ພົ້ນແຜ່ນດິນ ຫລັງເຮັດອານາຈານໃສ່ແຟນບານຮ້ອງຊື່ ເມສຊີ

ຄວັນຫລົງ ບານເຕະໃນ ຊາອຸ ໂປຣລີກ ອັລ ນາສເຊີ ຂອງ ຄຣິສຕຽນໂນ ໂຣນັລໂດ ບຸກໄປເສຍໃຫ້ ອັລ ຮິລາລ 0-2 ເມື່ອຄຳ່ຄືນທີ່ຜ່ານມາ.

ຫລັງຈົບເກມນີ້ມີແຟນບານເຈົ້າບ້ານຈຳນວນຫລາຍແຫ່ກັນຮ້ອງຊື່ຂອງ ລີໂອເນລ ເມສຊີ ໃສ່ໜ້າຂອງ CR7 ຂະນະທີ່ລາວພວມຍ່າງເຂົ້າຫ້ອງແຕ່ງຕົວ ເຊ່ິງກໍມີພາບທີ່ແຟນບານຖ່າຍເອົາໄວ້ໄດ້ທີ່ CR7 ຈັບອະໄວຍະເພດ ເປັນການຕອກກັບສຽງຮຽກຊື່ ເມສຊີ.

ເຊິ່ງຫລ້າສຸດ Sun Sport ສື່ກິລາຊື່ດັງຂອງອັງກິດ ລາຍງານວ່າ ເຫລົ່າບັນດາທະນາຍຄວາມໃນປະເທດຊາອຸດິອາຣະເບຍ ໄດ້ອອກມາຮຽກຮ້ອງໃຫ້ໃຊ້ກົດຫມາຍລົງໂທດນັກເຕະເຈົ້າຂອງບັນລົງດໍ 5 ສະໄຫມ ຢ່າງເຖິງທີ່ສຸດ ເນື່ອງຈາກຜິດກົດຫມາຍໃນດ້ານການທຳອະນາຈານໃນທີ່ສາທາລະນະ ແລະ ຜິດກົດຫມາຍໃນປະເທດອາຣັບ ແລະ ໂທດສູງສຸດຄືເນລະເທດອອກນອກປະເທດທັນທີ.

ໂດຍ ນູຟ ບິນ ອາເຫມັດ ເຊິ່ງເຮັດວຽກຮ່ວມກັບສະຫະປະຊາຊາດ ຂຽນໃສ່ສື່ສັງຄົມອອນລາຍຂອງລາວເອົາໄວ້ວ່າ : “ ຂ້ອຍບໍ່ຕິດຕາມກິລາ ເຖິງວ່າຝູງຊະນະຈະກວນ ໂຣນັລໂດ ເພາະເຂົາກໍຮູ້ວ່າຈະຕອບສະໜອງແນວໃດ ພຶດຕິກຳຂອງ ໂຣນັລໂດ ເປັນອາດຊະຍາກຳ ການກະທຳອານາຈານໃນສາທາລະນະ ເຊິ່ງເປັນຫນຶ່ງໃນອາດຊະຍາກຳທີ່ເຮັດໃຫ້ສາມາດຈັບກຸມ ແລະ ສົ່ງຕົວກັບປະເທດໄດ້ຫາກກະທຳໂດຍຊາວຕ່າງຊາດ ”.