ເດ ເຄອາ ໃກ້ບັນລຸຂໍ້ຕົກລົງຕໍ່ສັນຍາໃຫມ່ໃຫ້ແມນຢູ ຍອມຫລຸດຄ່າເມື່ອຍແຕ່ເພີ່ມເງື່ອນໄຂ

ESPN ລາຍງານວ່າ : ແມນເຊສເຕີ ຢູໄນເຕັດ ສະໂມສອນດັງຈາກ ພຣີເມຍລີກ ອັງກິດ ເຂົ້າໃກ້ການບັນລຸຂໍ້ຕົກລົງໃນການຕໍ່ສັນຍາກັບ ດາບິດ ເດ ເຄອາ ຜູ້ຮັກສາປະຕູຊາວສະເປນ ທີ່ພວມຈະສິ້ນສຸດສັນຍາໃນຖິ່ນໂອນ ແທຣ໊ຟຟອດ.

ດາບິດ ເດ ເຄອາ ພວມຈະຫມົດສັນຍາກັບ ແມນຢູ ເມື່ອຈົບລະດູການນີ້ ແລະ ສາມາດຍ້າຍທີມໄດ້ແບບບໍ່ມີຄ່າຕົວ ຫາກບໍ່ມີການຕໍ່ສັນຍາໃຫມ່ກັບແມນຢູ.

ແນວໃດກໍຕາມລາຍງານຈາກສື່ດັງກ່າວ ລະບຸວ່າ ເດ ເຄອາ  ໃກ້ບັນລຸຂໍ້ຕົກກັບຕົ້ນສັງກັດແລ້ວ ໂດຍລາວພ້ອມຈະຫລຸດຄ່າເມື່ອຍລົງ ແຕ່ຈະໄປເພີ່ມລາຍໄດ້ໃນສ່ວນຂອງເງິນໂບນັສທີ່ຂຶ້ນຢູ່ກັບຜົນງານຂອງລາວແທນ.