ປິດການສັນຈອນຂົວນໍ້າມອນ ເມືອງວັງວຽງ ແຂວງວຽງຈັນ ຊົ່ວຄາວ ໃນລະຫວ່າງວັນທີ 20-29 ເມສາ 2023

ພະແນກໂຍທາທິການ ແລະ ຂົນສົ່ງ ແຂວງວຽງຈັນ ຂໍຖືເປັນກຽດແຈ້ງມາຍັງບັນດາທ່ານຜູ້ທີ່ນໍາໃຊ້ ຂົວນໍ້າ ມອນ ເມືອງວັງວຽງ ແຂວງວຽງຈັນ ຊາບວ່າ: ໂຄງການ ປັບປຸງຂີດຄວາມສາມາດໃນການສ້ອມແປງ ແລະ ຄຸ້ມຄອງຂົວ ( JICA-BMM ) ເຊີ່ງເປັນທຶນຊ່ວຍເຫລືອຈາກລັດຖະບານ ຍີ່ປຸ່ນ, ໃນປັດຈຸບັນ ຂົວນໍ້າມອນ ກໍາລັງຢູ່ໃນໄລຍະ ການສ້ອມແປງ ແລະ ຈະໄດ້ປິດຊ່ອງທາງຂອງການສັນຈອນໜັກ (ນໍ້າໜັກເກີນ 4 ໂຕນ) ທັງສອງຊ່ອງທາງ ແລະ ປິດໜຶ່ງຊ່ອງທາງຂອງການສັນຈອນລົດເບົາ (ນໍ້າໜັກໜ້ອຍກວ່າ 4 ໂຕນ) ໃນລະຫວ່າງວັນທີ 20-29 ເມສາ 2023 ເພື່ອຮັບປະກັນການສ້ອມແປງໃຫ້ຖືກຕ້ອງຕາມເຕັກນິກ ແລະ ຮັບປະກັນຄວາມປອດໄພໃນໄລຍະການສ້ອມແປງ.

ໝາຍເຫດ: ການນໍາໃຊ້ທາງເວັ້ນລົດໜັກແມ່ນນໍາໃຊ້ທາງດ່ວນ ສະຖານີວັງວຽງ ແລະ ສະຖານີວັງຄີ ໃນໄລຍະການ ປິດຊົ່ວຄາວ