ແຄັມ ອິນເຕີ ເດືອດ ໂອນານ່າ ງັດກັບ ໂບໂຊວິກ ກ່ອນລົງແຂ່ງ ແຊ້ມປຽນລີກ ຄືນນີ້
ກ່ອນລົງແຂ່ງຂັນ ຢູຟາ ແຊ້ມປ້ຽນລີກ ໃນຄືນນີ້ ລະຫວ່າງ ອິນເຕີ ມິລານ ກັບ ເບນຟີກາ ປະກົດວ່າມີເຫດການທີ່ ອັນເດຣ ໂອນານ່າ ແລະ ມາເຊໂລ ໂບໂຊວິກ ຂອງ ອິນເຕີ ມິລານ ເກືອບຈະຊົກຕ່ອຍກັນເອງຫລັງລົງຊ້ອມໃນໂຄ້ງສຸດທ້າຍ ເຮັດໃຫ້ງານນີ້ ໂຣເມລູ ລູກາກູ ກອງໜ້າຂອງທີມຕ້ອງເຂົ້າມາຫ້າມ.
ໂດຍໃນການຊ້ອມແບບໜັກສໍາລັບການແຂ່ງຂັນທີ່ຈະມາເຖິງ ໃນຂະນະທີ່ຜູ້ຫລິ້ນກຳລັງຫລິ້ນລີງຍາດບານຢ່າງມ່ວນຊື່ນ, ມີຈັງຫວະທີ່ຜູ້ຮັກສາປະຕູຂອງທີມ ອັນເດຣ ໂອນານ່າ ເຂົ້າບານໃສ່ ມາເຊໂລ ໂບໂຊວິກ ແລະ ພ້ອມກັບຍູ້ກອງກາງຄົນນັ້ນອອກຈາກວົງ, ເຊິ່ງ ໂບໂຊວິກ ຕອບໂຕ້ໂດຍການເຕະຜ້າປະຈຳຂອງ ໂອນານ່າ ທີ່ຕົກລົງພື້ນ.
ທັນທີທີ່ລາວເຫັນການກະທຳເຊັ່ນນັ້ນ ໂອນານ່າ ໄດ້ຢ່າງເຂົ້າໄປຫາ ໂບໂຊວິກ ທັນທີ, ແຕ່ກ່ອນທີ່ສິ່ງຕ່າງໆຈະເດືອດຂຶ້ນໄປ, ໂລເມອູ ລູກາກູ ແລະ ດານີໂລ ດຳໂບຊິໂອ ລຸ້ນໃຫຍ່ຂອງທີມ ໄດ້ເຂົ້າມາເພື່ອແຍກທັງຄູ່ໄວ້ກ່ອນ.
ວິດີໂອເຫດການ: https://twitter.com/GoalItalia/status/1648339036778676227…
ເຊິ່ງບໍ່ຮູ້ວ່າເຫດການດັ່ງກ່າວຈະສົ່ງຜົນກະທົບຕໍ່ການແຂ່ງຂັນໃນຄືນນີ້ຫລືບໍ່, ແຕ່ແຟນ ງູໃຫຍ່ ສາມາດອຸ່ນໃຈໄດ້ ເພາະມີລາຍງານວ່າ ທີມຄູຝຶກຂອງ ອິນເຕີ ມິລານ ບໍ່ມີຄວາມເປັນຫັງວົນກ່ຽວກັບຜົນກະທົບຈາກການປະທະກັນຂອງ 2 ນັກເຕະຄົນສຳຄັນແນ່ນອນ.
