ຢູເຄຣນ ມີແຜນດຶງດູດ ການຊ່ວຍເຫລືອ ທາງການເງິນ 42ຕື້ໂດລາສະຫະລັດໃນປີນີ້
April 19, 2023 - 9:44 AM
ສຳນັກຂ່າວ ຊິນຮວາຂອງ ສປ ຈີນ ລາຍງານວ່າ: ທ່ານ ເຊີກີ ນິໂຄໄລຊຸກ (Sergei Nikolaichuk) ຮອງປະທານ ທະນາຄານກາງ ຂອງຢູເຄຣນ (NBU) ເປີດເຜີຍວ່າ: ພາຍຫລັງເດີນທາງຢ້ຽມຢາມ ສ.ອາເມລິກາ ຢ່າງເປັນທາງການ ແລະ ໄດ້ພົບປະກັບ ຄະນະເຈົ້າໜ້າທີ່ລະດັບສູງຂອງກອງທຶນ ເງິນຕາສາກົນ(IMF) ສົ່ງຜົນໃຫ້ຢູເຄຣນຈະໄດ້ຮັບ ເງິນຊ່ວຍເຫລືອ ປະມານ 4,6 ຕື້ໂດລາສະຫະລັດຈາກກອງທຶນ ດັ່ງກ່າວ ແລະ ການສະໜັບສະໜູນທາງການເງິນຈາກປະເທດພັນທະມິດມີຄວາມສຳຄັນ ໃນໄລຍະເວລາ ທີ່ມີສິ່ງທ້າທາຍ ຫລາຍຢ່າງພ້ອມທັງ ຍົກໃຫ້ເຫັນສະຖານະການ ເສດຖະກິດຂອງ ຢູເຄຣນປັບຕົວດີຂຶ້ນ ໃນປີນີ້ ເມື່ອທຽບໃສ່ ປີ2022 ແລະ ໃນປີ 2023 ນີ້ ຢູເຄຣນການວາງແຜນດຶງດູດການຊ່ວຍເຫລືອທາງການເງິນຈາກບັນດາປະເທດຕ່າງໆ ໃນມູນຄ່າ 42 ຕື້ໂດລາສະຫະລັດ.
ຂ່າວ: ປະເທດລາວ
