ເດ ເຄອາ ປະຕິເສດຄ່າເມື່ອຍຫລຸດລົງ ແຕ່ຍັງຢາກຢູ່ເຝົ້າເສົາໃຫ້ແມນຢູ ຕໍ່ໄປ

The Sun ສຳນັກຂ່າວຂອງອັງກິດ ລາຍງານວ່າ ດາບິດ ເດ ເຄອາ ບໍ່ຕ້ອງການຮັບຄ່າເມື່ອຍ 9 ລ້ານປອນ/ປີ ທີ່ແມນເຊສເຕີ ຢູໄນເຕັດ ແຕ່ຍັງຢາກຢູ່ໃນຖິ່ນ ໂອນ ແທຣຟຟອດ ຕໍ່ໄປ.

ແມນເຊສເຕີ ຢູໄນເຕັດ ຢືນຢັນຈະແຈ້ງວ່າ ຕ້ອງການຫລຸດເພດານຄ່າເມື່ອຍລົງ ແລະ ນັ້ນອາດເຮັດໃຫ້ ເດ ເຄອາ ຕ້ອງປະນີປານອມເພື່ອຫວັງໄດ້ຮັບສັນຍາສະບັບໃຫມ່ ໂດຍປັດຈຸບັນລາວຮັບຢູ່ທີ່ 375,000 ປອນ/ອາທິດ ເຊິ່ງຫລາຍທີ່ສຸດໃນທີມ.

ເດ ເຄອາ ບໍ່ມີແຜນຍ້າຍທີມແບບບໍ່ມີຄ່າຕົວໃນປີໜ້າ ສະໂມສອນກໍຢາກເກັບລາວໄວ້ໃຊ້ງານຕໍ່ໄປ ແຕ່ຂໍ້ສະເໜີຫລ້າສຸດຢູ່ທີ່ 200,000 ປອນ/ອາທິດ ເຊິ່ງຫນ້ອຍກວ່າ ຄາເຊມີໂຣ ແລະ ຣາຟາເອລ ວາຣານ ທີ່ມີອາຍຸຮຸ່ນລາວຄາວດຽວກັນ.

ແມນຢູ ຫວັງວ່າຈະປານີປານອມດ້ວຍການເພີ່ມໂບນັສໃຫ້ ແຕ່ທາງຝ່າຍຂອງ ເດ ເຄອາ ຮູ້ສຶກວ່າຄົນຂອງພວກເຂົາບໍ່ຄວນຖືກຫລຸດຄ່າເມື່ອຍຫລາຍເກີນໄປ.

ແນວໃດກໍຕາມ ເດ ເຄອາ ແລະ ແມນຢູ ຍັງຄົງຫມັ້ນໃຈວ່າຈະຫາຈຸດເຄິ່ງກາງທີ່ຍອມຮັບໄດ້ ໂດຍທັງສອງຝ່າຍຕ່າງກໍກະຕືລືລົ້ນທີ່ຈະຕໍ່ສັນຍາເພີ່ມອອກໄປອີກ 3 ປີ.