ເສືອໃຕ້ ປະກາດລົງໂທດ ມາເນ ກໍລະນີຊົກໜ້າຂອງ ເລຣອຍ ຊາເນ້

ບາເຢິນ ມິວນິກ ສະໂມສອນຍັກໃຫຍ່ຂອງ ບຸນເດສລີກາ ເປີດເຜີຍເມື່ອວັນພະຫັດທີ່ຜ່ານມາວ່າ ຊາດິໂອ ມາເນ ນັກເຕະດາວເຕະທີມຊາດເຊເນກັລ ຈະຖືກລົງໂທດກໍລະນີໄປຊົກໃສ່ ເລຣອຍ ຊາເນ້ ເພື່ອນຮ່ວມທີມ ຫລັງເສຍ ແມນເຊັສເຕີ ຊິຕີ້ 3-0 ໃນວັນອັງຄານຜ່ານມາ ໃນການແຂ່ງຂັນບານເຕະ ຢູຟາ ແຊມປ້ຽນລີກ ດາວຍິງທີມຊາດເຊເນກັລ ຈະຖືກປັບໃໝ ແລະ ຈະບໍ່​ມີ​ຊື່​ໃນ​ທີມຊຸດເປີດບ້ານພົບ ຮອຟເຟນຮາມ ໃນ​ລີກ​ໃນ​ວັນ​ເສົາ​ນີ້.

ຫລັງຈາກເກມດັ່ງກ່າວ ສື່ຫລາຍສື່ລາຍງານວ່າ ມາເນ ກໍ່ເຫດຊົກປາກ ຊາເນ້ ໃນຫ້ອງແຕ່ງຕົວ ຫລັງຈາກທີ່ທັງສອງໄດ້ຜີດຖຽງກັນຢູ່ສະໜາມ ກ່ອນທີ່ ບາເຢິນ ມິວນິກ ຈະເອີ້ນທັງສອງມາເຄຍໃຈກັນກ່ອນຝຶກຊ້ອມໃນວັນພະຫັດຜ່ານມາ, ກ່ອນຈະມີດານປະກາດລົງໂທດ ມາເນ ຫລຸດອອກຈາກທີມໃນເກມລີກວັນເສົາ ແລະ ປັບໃໝ, ແຕ່ຍັງບໍ່ໄດ້ມີການລະບຸຈຳນວນເງິນ.