ແລມພາດ ກະຕຸ້ນນັກເຕະເຊວຊີຍັງບໍ່ໝົດຫວັງ ເຊື່ອວ່າສິ່ງທີ່ພິເສດເກີດຂຶ້ນໄດ້ທີ່ສະແຕມຟອດ ຫາກງັດຟອມເກັ່ງແຊງຊຸດຂາວເຂົ້າຮອບໄດ້

ແຟຣັງ ແລມພາດ ຜູ້ຈັດການ ເຊວຊີ ຫມັ້ນໃຈວ່າທີມ ຍັງບໍ່ໝົດຄວາມຫວັງທີ່ຈະພິກເອົາເຂ່ຍ ເຣອັລ ມາດຣິດ ຕົກຮອບການແຂ່ງຂັນ ຢູຟາ ແຊ້ມປຽນລີກ ຮອບ 8 ທີມສຸດທ້າຍ.

ໃນເກມນີ້ ເຊວຊີ ຕ້ອງເຫລືອຜູ້ຫລິ້ນ 10 ຄົນໃນຊ່ວງຕົ້ນເຄິ່ງຫລັງ (ນາທີ 59) ເພາະ ເບນ ຊິວເວດ ໄດ້ຮັບໃບແດງຍ້ອນເຮັດຟາວ ໂຣດຣິໂກ້ ທີ່ພະຍາຍາມຈະຍິງປະຕູໃຫ້ໄດ້ ຂະນະທີ່ “ຊຸດຂາວ” ເກມນີ້ຍິງປະຕູໄດ້. ຈາກ ເບນເຊມາ ໃນນາທີ 21 ແລະ ອາລອນໂຊ ໃນນາທີ 74.

ເຖິງແມ່ນວ່າ ເຊວຊີ ຢູ່ໃນສະຖານະການທີ່ຫຍຸ້ງຍາກ ແລະ ບໍ່ມີໂອກາດຫລາຍທີ່ຈະຜ່ານເຂົ້າສູ່ຮອບຕັດເຊືອກ ແຕ່ ແລມພາດ ຄິດວ່າ “ສິງບຣູ” ສາມາດເຮັດໄດ້ດີກວ່າ. ໃນນັດທີ 2 ທີ່ສະໜາມສະແຕມຟອດ ບຣິດ ໃນວັນອັງຄານທີ 18 ເມສານີ້.