ແມນຢູ ຢືນຢັນ ແຣສຟອດ ຈະພາດເກມ ທີ່ລົງພົບກັບ ເຊບີຢາ ຄືນນີ້

ຜີສາດແດງ ຢືນຢັນວ່າ ກອງໜ້າທີມຊາດອັງກິດ ຈະພາດການແຂ່ງຂັນ ຢູໂຣປາ ລີກ ໃນຄືນວັນພະຫັດນີ້ ແລະ ອາດຈະລວມອີກ 2-3 ເກມຕໍ່ໄປ.

ກອງໜ້າທີມຊາດອັງກິດ ໄດ້ຮັບບາດເຈັບກ້າມຊີ້ນຂາໃນຕອນທ້າຍເກມ ທີ່ ແມນເຊັສເຕີ ຢູໄນເຕັດ ເອົາຊະນະ ເອັຟເວີຕັນ 2-0 ກ່ອນທີ່ຈະໄດ້ຮັບການປະຖົມພະຍາບານເບື້ອງຕົ້ນ ແລ້ວຍ່າງອອກຈາກສະໜາມເຂົ້າຫ້ອງແຕ່ງຕົວທັນທີ.

ເຮັດໃຫ້ກອງໜ້າຕົວຄວາມຫວັງຂອງ ຜີສາດແດງ ໃນລະດູການນີ້ຕ້ອງພາດເກມຢູໂຣປາລີກກັບ ເຊບີຢາ ແນ່ນອນແລ້ວ ເຊິ່ງທັງນີ້ຍັງບໍ່ທັນມີກຳນົດທີ່ຈະກັບມາຊ້ອມກັບທີມເທື່ອ ແຕ່ຄາດວ່າຈະຕ້ອງພາດອີກຢ່າງໜ້ອຍ 2-3 ເກມໃນຊ່ວງລະດູການນີ້ ໂປຣແກມຂອງທີມຂ້ອນຂ້າງ ແນ່ນອນ, ລວມທັງ ລຸກຊໍ ແລະ ອາເລຮານໂດ ການາໂຊ, ທີ່ຍັງບໍ່ພ້ອມໃນເກມນີ້ເຊັ່ນກັນ.