ຫລາຍພື້ນທີ່ຂອງຍີ່ປຸ່ນ ໄດ້ຮັບຜົນກະທົບຈາກພາຍຸຊາຍ ເຕືອນປະຊາຊົນຫ້າມອອກນອກເຮືອນຖ້າບໍ່ຈຳເປັນ

ສຳນັກຂ່າວ NHK ຂອງຍີ່ປຸ່ນລາຍງານວ່າ: ວັນທີ 12 ເມາສາ 2023 ຜ່ານມາ, ພົບຝຸ່ນຊາຍສີເຫລືືອງປົກຄຸມອາກາດຫລາຍພື້ນທີ່ ທາງພາກຕາເວັນຕົກຂອງປະເທດ, ໂດຍລາຍງານລະບຸວ່າ ຝຸ່ນຊາຍສີເຫລືອງດັ່ງກ່າວໄດ້ພັດມາຈາກທະເລຊາຍຂອງຈີນ ເຊິ່ງໄດ້ເຮັດໃຫ້ຟ້າມົວ ເຮັດໃຫ້ການເບິ່ງເຫັນຫລຸດລົງ.

ທ່ານ ໂອນິຊິ ຄາຊູນາຣິ ສາດສະດາຈານແຫ່ງມະຫາວິທະຍາໄລນານາຊາດ ເຊນລຸດ ເປີດເຜີຍວ່າ: ການເກັບຕົວຢ່າງຂອງຝຸ່ນຊາຍຢູ່ຈີນ ແລະ ຍີ່ປຸ່ນ ມາກວດສອບພົບວ່າ ຝຸ່ນຊາຍທັງສອງມີສີທີ່ແຕກຕ່າງກັນ ໂດຍຂອງຈີນຈະມີສີເຫລືອງ ສ່ວນຂອງຍີ່ປຸ່ນຈະມີສີດຳເຂັ້ມກວ່າ ເນື່ອງຈາກລະຫວ່າງທາງທີ່ຝຸ່ນຊາຍຖືກພັດມາ ມັນໄດ້ຈັບກັບມົນລະພິດທາງອາກາດ ເຊິ່ງຈະສົ່ງຜົນກະທົບຕໍ່ສຸຂະພາບຂອງປະຊາຊົນ ໂດຍເຕືອນໃຫ້ປະຊາຊົນຫລີກລ່ຽງການອອກໄປນອກເຮືອນ ຖ້າບໍ່ຈຳເປັນ.