ກຽມສະພາບລົດໃຫ້ອຸ່ນໃຈ ເມື່ອຕ້ອງເດີນທາງໄກຊ່ວງປີໃໝ່
– ຢາງລົດ ເບິ່ງວ່າຢູ່ໃນປະລິມານທີ່ພໍດີ (ບໍ່ແໜ້ນ ຫລື ອ່ອນເກີນໄປ)
– ໄຟສັນຍານ ເບິ່ງວ່າໄຟສັນຍານຍັງແຈ້ງທຸກດອກ ຫລື ຍັງໃຊ້ງານໄດ້ປົກກະຕິບໍ່ ເຊັ່ນໄຟສູງ-ຕໍ່າ ເພື່ອຫລຸດການເກີດອຸບັດຕິເຫດ
– ໄມ້ປັດນໍ້າຝົນ ໂດຍສະເພາະຢາງປັດນໍ້າຝົນວ່າຍັງໃຊ້ງານໄດ້ປົກກະຕິ, ລະບົບສີດນໍ້າບໍ່ມີຫຍັງແປກປອມ ໄປອັດຕັນ
– ລະບົບເບກ ແລະ ຄາດ ອາດເລີ່ມຈາກການສັງເກດເວລາເບກລົດວ່າ ມີສຽງດັງຜິດປົກກະຕິ ຫລື ບໍ່ ແລະ ກວດເບິ່ງນໍ້າມັນເບກວ່າມີພຽງພໍຕໍ່ການໃຊ້ງານ
– ໝໍ້ນໍ້າ ຄວາມຈິງແລ້ວ ບໍ່ພຽງແຕ່ໄລຍະເວລາທີ່ເຮົາຕ້ອງເດີນທາງໄກ ແຕ່ຄວນກວດເບິ່ງຕະຫລອດ ແລະ ໝັ່ນກວດເບິ່ງດ້ານນອກບໍ່ໃຫ້ມີສິ່ງແປກປອມເຊັ່ນ ໃບໄມ້, ເສດຂີ້ເຫຍື້ອ ໃນບໍລິເວນແຜງລະບາຍຄວາມຮ້ອນ, ຖ້ານໍ້າຫລຸດລົງໄວໃຫ້ສັນນິຖານວ່າອາດເກີດຈາກໝໍ້ນໍ້າຮົ່ວ ໃຫ້ແປງໂດຍໄວ
– ຊຸດເຄື່ອງມືປະຈໍາລົດ ຄວນມີເຄື່ອງມືຈໍານວນໜຶ່ງປະຈໍາລົດ ເພື່ອເກີດເຫດສຸກເສີນເຊັ່ນ ຢາງລົດຮົ່ວ…
– ໝໍ້ໄຟ ແລະ ສາຍໄຟ ເຕີມນໍ້າກັ່ນ ແລະ ກວດເບິ່ງຂົ້ວສາຍໄຟວ່າຢູ່ໃນສະພາບດີ ຫລື ບໍ່
