ກວດເບິ່ງອາການດ່ວນ!!

ຕອນຢູ່ບ່ອນເຮັດວຽກ ເປັນຄົນເກັ່ງ, ເຮັດວຽກໄດ້ດີ ເບິ່ງມີຊີວິດຊີວາ ແຕ່ພໍກັບບ້ານມາ ຊໍ້າພັດຮູ້ສຶກຊຶມ, ໝອງເສົ້າ ນັ້ນສະແດງວ່າ ທ່ານກໍາລັງຢູ່ໃນອາການຂອງພາວະຊຶມເສົ້າຊໍາເຮື້ອຢູ່ກໍໄດ້

.

ແພດແນະນໍາໃຫ້ໝັ່ນສັງເກດຕົວເອງສະເໝີ ຖ້າພົບອາການເຫລົ່ານີ້ເຊັ່ນ: ເສົ້າໝອງ, ຊຶມ, ເບື່ອອາຫານ, ອ່ອນເພຍ, ບໍ່ມີສະມາທິ, ການນອນປ່ຽນໄປ, ໃຈຮ້າຍງ່າຍ, ໝົດຫວັງ ຫລື ມີຄວາມຄິດກ່ຽວກັບຄວາມຕາຍ

.

ຖ້າຫາກທ່ານມີອາການເຫລົ່ານີ້ ເກີດຂຶ້ນຕິດຕໍ່ກັນຫລາຍກວ່າ 2 ອາທິດຂຶ້ນໄປ ອາດມີແນວໂນ້ມໃນການເປັນພາວະຊຶມເສົ້າ ຄວນຫາໂອກາດເຂົ້າພົບແພດໝໍ ແລະ ປຶກສາອາການ ເພື່ອຮັບຄໍາແນະນໍາໃນການເບິ່ງແຍງຕົວເອງໃຫ້ເໝາະສົມ

.

ພະວະຊຶມເສົ້າ ເປັນອີກອາການໜຶ່ງທີ່ມີໂອກາດເກີດຂຶ້ນໄດ້ໃນຊ່ວງຊີວິດຂອງຄົນເຮົາ ຄ້າຍຄືກັບອາການເຈັບປ່ວຍອື່ນໆ ເຊິ່ງກໍມີປັດໄຈທີ່ກະຕຸ້ນໃຫ້ເກີດພາວະນີ້ຫລາຍຢ່າງ, ປັດຈຸບັນພາວະຊຶມເສົ້າສາມາດຮັກສາໃຫ້ຫາຍໄດ້ດ້ວຍການໃຊ້ຢາ, ການເຮັດຈິດບໍາບັດ ຫລື ຄວບຄູ່ກັນໄປ ຂຶ້ນກັບການບົ່ງມະຕິຂອງແພດ

.

ດັ່ງນັ້ນ ໃຜທີ່ກໍາລັງມີອາການເຫລົ່ານີ້ຢູ່ ກໍຢ່າລືມສັງເກດຕົວເອງໃຫ້ຫລາຍໆ ຖ້າຮູ້ສຶກວ່າເລີ່ມກະທົບກັບການໃຊ້ຊີວິດ ໃຫ້ຮີບປຶກສາແພດ ຈະເປັນວິທີທີ່ດີກວ່າ ເພາະຖ້າອາການຮຸນແຮງຂຶ້ນ ອາດສ່ຽງຕໍ່ການຂ້າຕົວຕາຍ

.

ຂອບໃຈຂໍ້ມູນຈາກ ສໍານັກຂ່າວກົມປະຊາສໍາພັນ (ປະເທດໄທ)