ຫົງແດງ ເປີດບ້ານໄລ່ຕີສະເໝີ ອາເຊນອລ ສຸດເດືອດ 2-2

ແຟນບານ ລິເວີພູລ ເຮກັນສະນັ່ນຫລັງພົບກັບຈ່າຝູງ ອາເຊນອລ ທີ່ບຸກມານຳໄປກ່ອນ 2-0, ແຕ່ໃນ 5 ນາທີສຸດທ້າຍມາໄດ້ ໂຣແບໂຕ ຟິມິໂນ ຍິງປະຕູຕີສະເໝີ 2-2 ແບ່ງຄະແນນກັນເປັນແບບດຸເດືອດ ສົ່ງໃຫ້ “ປືນໃຫຍ່” ຫ່າງຮອງຈ່າຝູງ ແມນເຊັສເຕີ ຊິຕີ້ ພຽງ 6 ຄະແນນເທົ່ານັ້ນ.

ຈາກຜົນດັ່ງກ່າວເຮັດໃຫ້ ອາເຊນອລ ຍັງຄົງເປັນອັນດັບໜຶ່ງຂອງຕາຕະລາງ ມີ 73 ຄະແນນຈາກ 30 ນັດ, ຂະນະທີ່ ລິເວີພູລ ມີ 44 ຄະແນນຈາກ 29 ນັດ ຕາມຫລັງໂຊນອັນດັບ 4 ຢູ່ 12 ຄະແນນ.