ຫ້ອງວ່າການ ນະຄອນຫລວງວຽງຈັນ ສະຫຼຸບ ແລະ ຍ້ອງຍໍຜູ້ມີຜົນງານດີເດັ່ນ 5 ປີຜ່ານມາ

ຫ້ອງວ່າການນະຄອນຫຼວງວຽງຈັນ (ນວ) ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານປະຈຳປີ 2022 ກຳນົດທິດທາງແຜນການປະຈຳປີ 2023 ແລະ ຍ້ອງຍໍຜົນງານ 5 ປີ (2016-2020) ໃນວນທີ 6 ເມສາ 2023 ທີ່ ຫ້ອງວ່າການ ນວ ເປັນປະທານຂອງທ່ານ ໂພຄຳ ໄຊຍະສອນ ຫົວໜ້າວ່າການ ນວ ເປັນກຽດເຂົ້າຮ່ວມຂອງທ່ານ ພູຂົງ ບັນນະວົງ ຮອງເຈົ້າຄອງ ນວ ມີຮອງຫົວໜ້າຫ້ອງວ່າການ ຮອງເຈົ້າເມືອງ ແລະ ຂະແໜງການກ່ຽວຂ້ອງ.

ທ່ານ ສອນໄຊ ສີສົມພັນ ຮອງຫົວໜ້າຫ້ອງວ່າການ ນວ ໄດ້ຜ່ານບົດສະຫຼຸບປະຈຳປີ 2022 ແລະ ທິດທາງແຜນການ 2023ຈາກນັ້ນກໍໄດ້ມອບຫຼຽນໄຊແຮງງານຊັ້ນ I ຊັ້ນ II ຊັ້ນ III ແລະ ໃບຍ້ອງຍໍໃຫ້ຜູ້ມີຜົນງານດີເດັ່ນໃນການປະກອບສ່ວນເຂົ້າໃນຂະບວນແຂ່ງຂັນຮັກຊາດ ສ້າງບ້ານພັດທະນາ ແລະ ຜັນຂະຫຍາຍວຽກງານສາມສ້າງເຂົ້າສູ່ລວງເລີກ ໃນນັ້ນຫຼຽນ ໄຊແຮງງານຊັ້ນ I ມີ 1 ທ່ານ II ຊັ້ນ 13 ທ່ານ ຍິງ 3 ທ່ານ ຊັ້ນ III 19 ທ່ານ ຍິງ 4 ທ່ານ ຫຼຽນກາແຮງງານ 12 ທ່ານ ຍິງ 6 ທ່ານ ແລະ ໃບຍ້ອງຍໍຂັ້ນລັດຖະບານ 29 ທ່ານ ຍິງ 11 ທ່ານ ມອບໂດຍທ່ານ ພູຂົງ ບັນນະວົງ ໂອກາດນີ້ກໍໄດ້ຮັບຟັງການໂອ້ລົມຂອງທ່ານຮອງເຈົ້າຄອງ ນວ ອີກດ້ວຍ.

ພາບຂ່າວ: ວຽງຈັນໃໝ່