ເບນີເຕດ ມີຊື່ຕິດຜູ້ຈັດການທີມຮັບງານຄຸມ ເລສເຕີ ຊິຕີ້

ຣາຟາ ເບນີເຕດ ກາເຍປັນອີກຫນຶ່ງລາຍຊື່ທີ່ຕົກເປັນຂ່າວໃນການຮັບວຽກຄຸມທີມ ເລສເຕີ ຊິຕີ ເຊິ່ງພວມຢູ່ໃນການສະຖານະການຫວັງໜີລາດການຕົກຊັ້ນໃນໄລຍະໂຄ້ງສຸດທ້າຍຂອງພຣີເມຍ ລີກ ລະດູການນີ້.

ເລສເຕີ ຊິຕີ ຢູ່ໃນອັນດັບ 19 ຂອງຕາຕະລາງ ໃນຂະນະທີ່ເຫລືອອີກ 9 ເກມສຸດທ້າຍໃນລະດູການນີ້ ໂດຍພວກເຂົາຈະມີເກມຕໍ່ໄປໃນການພົບກັບ ບອນມັດ ທີມທີ່ຢູ່ໃນສະຖານະການໜີຕົກຊັ້ນເຊ່ັນດຽວກັນ ໃນຂະນະທີ່ ເລສເຕີ ຊິຕີ ຈະໃຊ້ງານ ອາດຳ ແຊັດເລີ ແລະ ໄມ ສະໂຕເວລ ຜູ້ຈັດການທີມຊຸດໃຫຍ່ຮັບວຽກແທນຊົ່ວຄາວ ຫລັງການປົດ ແບຣເດນ ຣ໊ອດເຈີ ອອກຈາກຕຳແໜ່ງໄປແລ້ວ.

ສຳລັບຊື່ຂອງຜູ້ຈັດການທີມຄົນໃຫມ່ມີຫລາຍຊື່ທີ່ຢູ່ໃນລາຍຊື່ເຊ່ັນ ແກຣມ ພັອດເຕີ ຫລື ມາຕິນ ໂອນິລ ເຊິ່ງເຄີຍເຮັດວຽກກັບທີມມາກ່ອນ ແນວໃດກໍຕາມຫລ້າສຸດມີຊື່ຂອງ ຣາຟາເອລ ເບນີເຕດ ອະດີດຜູ້ຈັດການທີມ ນິວຄາສເຊິລ ແລະ ອີກຫລາຍສະໂມສອນຊັ້ນນຳ ຂຶ້ນມາ ໂດຍ ເບນີເຕດ ຕົກງານໃນລະດູການຜ່ານມາ ຫລັງຈາກຖືກປົດຈາກການເຮັດວຽກທີ່ເອເວີຕັນ.

ເລສເຕີ ມີຄະແນນຕາມຫລັງທີມທີ່ລອດຕົກຊັ້ນ 2 ຄະແນນ ໂດຍພວກເຂົາມີປະຕູໄດ້-ເສຍ ທີ່ດີກວ່າຫລາຍທີມທີ່ຢູ່ໃນເຂດຕົກຊັ້ນດຽວກັນ.