ອະລິຊອນ ເຜີຍຄວາມສຳພັນກັບ ເຮັນເດີສັນ ຫລັງທັ້ງຄູ່ມີຈັງຫວະຜິດຖຽງກັນໃນເກມສະເໝີ ເຊວຊີ

ອະລິຊອນ ເບເກີ້ ຜູ້ຮັກສາປະຕູ ລິເວີພູລ ຢືນຢັນໜັກແໜ້ນ ບໍ່ໄດ້ມີຄວາມບາດໝາງກັບ ຈໍແດນ ເຮັນເດີສັນ ກອງກາງກັບຕັນທີມ. ເຖິງວ່າຈະມີການປະເຊີນໜ້າປະທະອາລົມກັນ ໃນລະຫວ່າງການແຂ່ງຂັນ ທີ່ສະເໝີ ເຊວຊີ 0-0 ໃນວັນອັງຄານນີ້ກັບ.

ເຫດການດັ່ງກ່າວເກີດຂຶ້ນໃນຊ່ວງເຄິ່ງທີ່ສອງຂອງເກມທີ່ສະໜາມສະແຕມຟອດ ບຣິດ ເມື່ອ ຄາລິດູ ຄູລິບາລີ ໂຍນບານຍາວໄປໜ້າ ເຊິ່ງ ອະລິຊອນ ຈະຮັບໄດ້ບໍ່ຍາກ ແຕ່ ໂຈເອລ ມາທິບ ຄິງ ສະກັດຜິດເຂົ້າທາງ ໄຄ ຮາເວີດ ທີ່ຕໍ່ຈ່າຍໃຫ້ກັບ ໂຈອາວ ເຟລິກ ຍິງຂ້າມຄານ.

ຈາກຈັງຫວະດັ່ງກ່າວ, ສະແດງໃຫ້ເຫັນວ່າ ເຮັນເດີສັນ ແລະ ອະລິຊອນ ໂຕ້ຖຽງກັນຢ່າງດຸເດືອດໂດຍບໍ່ມີໃຜຍອມໃຜຈົນກ່ວາ ມາທິບ ຕ້ອງເຂົ້າມາແຍກເພື່ອບໍ່ໃຫ້ສະຖານະການເພີ່ມຂຶ້ນ.

ຢ່າງໃດກໍຕາມ, ຫລັງຈົບເກມ, ທັງສອງໄດ້ເຄຍໃຈກັນແລ້ວ ແລະ ອະລິຊອນ ເປີດເຜີຍວ່າ “ຂ້າພະເຈົ້າ ແລະ ອະລິຊອນ ເຮົາຕ່າງແມ່ນຜູ້ທີ່ພ້ອມຈະຕໍ່ສູ້. ພ້ອມທີ່ຈະໃຫ້ຊີວິດເພື່ອທີມ ແລະ ໃນສະຫນາມ,

“ດັ່ງນັ້ນບາງຄັ້ງ ອາລົມມັງຈຶ່ງຮຸນແຮງ. ແຕ່ມັນກໍ່ເປັນເລື່ອງທີ່ຄົນສອງຄົນຈະແກ້ໄຂບັນຫາຮ່ວມກັນ. ພະຍາຍາມເຮັດສິ່ງທີ່ດີທີ່ສຸດເພື່ອທີມ.”