ບປລ ມອບສີນທົດແທນໃຫ້ລູກຄ້າປະກັນອັກຄີໄພເປັນຈໍານວນເງິນຫລາຍກວ່າ 10 ຕື້ກີບ

ອາທິດຜ່ານມານີ້, ທ່ານ ກີ ອາໂປວີ ອໍານວຍການບໍລິສັດ ອາລີອັນ ປະກັນໄພລາວ (ບປລ) ໄດ້ມອບເງິນສີນທົດແທນຈໍານວນ 10 ຕື້ກວ່າກີບໃຫ້ລູກຄ້າທີ່ເຮັດປະກັນໄພທຸລະກິດຂະໜາດນ້ອຍກັບບໍລິສັດຂອງຕົນຈໍານວນ 28 ຮ້ານທີ່ປະສົບເຫດໄຟໃໝ້ສູນການຄ້າສາກົນຊັ່ງຈຽງເມື່ອວັນທີ 14 ກໍລະກົດຜ່ານມາ, ເຊິ່ງເຫດການດັ່ງກ່າວມີຮ້ານຂາຍສີນຄ້າ 300 ກວ່າຫ້ອງເສຍຫາຍ.

ທ່ານອໍານວຍການບໍລິສັດ ອາລີອັນ ປະກັນໄພລາວ ກ່າວວ່າ: ຂ້າພະເຈົ້າຂໍສະແດງຄວາມເສຍໃຈກັບບັນດາຊາວຄ້າຂາຍທີ່ສູນເສຍວັດຖຸຊັບສີນຈາກເຫດໄຟໃໝ້ຄັ້ງນີ້, ຂະນະດຽວກັນ ກໍເປັນສ່ວນໜຶ່ງທີ່ໄດ້ຊ່ວຍເຫລືອດ້ານສີນທົດແທນແກ່ຊາວຄ້າຂາຍທີ່ເປັນລູກຄ້າປະກັນໄພຂອງພວກເຮົາໃນຄັ້ງນີ້ເພື່ອໃຫ້ເຂົາເຈົ້າໄດ້ມີທຶນຮອນໃນຟື້ນຟູທຸລະກິດຄອບຄົວຂອງຕົນຕໍ່ໄປ.