ລຸກ ຊໍ ເປີດໃຈຫລັງເຊັນສັນຍາສະບັບໃຫມ່ກັບ ແມນຢູ

ລຸກ ຊໍ ກອງຫລັງຄົນສຳຄັນຂອງ ແມນເຊສເຕີ ຢູໄນເຕັດ ທີມຈາກການແຂ່ງຂັນ ພຣີເມຍລີກ ອັງກິດ ເປີດໃຈຜ່ານສື່ ຫລັງລາວຕັດສິນໃຈຕໍ່ສັນຍາໃຫມ່ໄລຍະຍາວກັບສະໂມສອນ.

ກອງຫລັງທີມຊາດອັງກິດ ອາຍຸ 27 ປີ ຕັດສິນໃຈຕໍ່ສັນຍາໃຫມ່ກັບ ແມນເຊສເຕີ ຢູໄນເຕັດ ອອກໄປອີກ 4 ປີ ເຖິງ 30 ມິຖຸນາ 2027.

“ ເມື່ອ 9 ປີກ່ອນ ຂ້ອຍເຊັນສັນຍາກັບສະໂມສອນທີ່ມະຫັດສະຈັນແຫ່ງນີ້ ແລະ ຂ້ອຍກໍຮູ້ສຶກຕື່ນເຕັ້ນທີ່ຈະໄດ້ຢູ່ບ່ອນນີ້ຕໍ່ ຂ້ອຍເຕີບໂຕຂຶ້ນຫລາຍຕັ້ງແຕ່ມາຢູ່ນີ້ ເມື່ອຫລາຍປີກ່ອນ ທັງໃນຖານະບຸກຄົນ ແລະ ໃນຖານະນັກເຕະ ຂ້ອຍຮູ້ວ່າແມ່ນຫຍັງຄືສິ່ງທີ່ຈຳເປັນໃນການປະສົບຄວາມສຳເລັດກັບສະໂມສອນແຫ່ງນີ້ ເຮົາຢູ່ໃນໄລຍະເລີ່ມຕົ້ນຂອງການເດີນທາງພາຍໃຕ້ຜູ້ຈັດການທີມ ແລະ ຄະນະຄູເຝິກ ” ຊໍ ກ່າວຜ່ານເວັບໄຊທາງການສະໂມສອນ.

ທັງນີ້ ຊໍ ຍ້າຍຈາກ ເຊົາແຮມຕັນ ມາຍັງ ໂອນ ແທຣ໊ຟຟອດ ດ້ວຍຄ່າຕົວ 30 ລ້ານປອນ ໃນໄລຍະລະດູການ 2014 ໂດຍລົງຫລິິ້ນໃຫ້ກັບ ແມນຢູ ໄປແລ້ວ 249 ນັດ ຍິງໄປ 4 ປະຕູ ກັບອີກ 28 ແອສຊິສ.