ຫລຸຍ ເອັນຣີເກ ມາແຮງຂຶ້ນຕຳແໜ່ງວ່າທີ່ຜູ້ຈັດການທີມໃໝ່ເຊລຊີ

ສື່ລາຍງານຂ່າວ ຫລຸຍ ເອັນຣີເກ ອະດີດຜູ້ຈັດການທີມຊາດສະເປນກາຍມາເປັນລາຍຊື່ອັນດັບທຳອິດໃນການເຂົ້າມາຮັບວຽກຜູ້ຈັດການທີມຄົນໃຫມ່ຂອງ ເຊລຊີ.

ເຊລຊີ ຫາກໍແຍກທາງກັບ ແກຣມ ພອດເຕີ ໄປເມື່ອວັນທີ 2 ເມສາ ຫລັງພາທີມສະແດງຜົນງານໜ້າຜິດຫວັງໃນໄລຍະເວລາ 7 ເດືອນ ທີ່ຮັບຕຳແໜ່ງ ຈົນປັດຈຸບັນ ເຊລຊີ ຕົກມາຢູ່ອັນດັບ 11 ຂອງຕາຕະລາງພຣີເມຍລີກອັງກິດ.

ເຮັດໃຫ້ປັດຈຸບັນ ເຊລຊີ ພວມຢູ່ໃນໄລຍະຄົ້າຫາຜູ້ຈັດການທີມຄົນໃຫມ່ໃນການເຂົ້າມາຄຸມທີມ ເຊິ່ງມີ ຢູລຽນ ນາເກລມັນ ອະດີດຜູ້ຈັດການທີມ ບາເຢິນ ມິວນິກ ເປັນຕົວເຕັງຕາມລາຍງານຂອງສື່ຊື່ດັງຫລາຍສຳນັກ ໂດຍມີ ເມົາຣີຊີໂອ ໂປເຊັດຕີໂນ, ຫລຸຍ ເອັນຣີເກ ແລະ ມາໂກ ຊິລວາ ຢູ່ລາຍຊື່.

ຈົນຫລ້າສຸດ ເດິ ຊັນ ສື່ຊື່ດັງຂອງອັງກິດລະບຸວ່າ : ຂະນະນີ້ ເອັນຣິເກ ກາຍເປັນຊື່ທີ່ຈະເຂົ້າມາຮັບວຽກຄຸມທີມ ເຊລຊີ ຫລາຍກວ່າ ນາເກລມັນ ຫລັງລາວຫວ່າງວຽກຢູ່ຕັ້ງແຕ່ອຳລາທີມຊາດສະເປນ ຫລັງຈົບບານໂລກ 2022 ແລະ ຫາກໍກໃຫ້ສຳພາດວ່າ ພ້ອມຈະກັບມາຮັບວຽກແລ້ວ.

ໂດຍສາເຫດທີ່ ນາເກລມັນ ອາດຈະບໍ່ໄດ້ຄຸມທີມເນື່ອງຈາກ ເຊລຊີ ຈະຕ້ອງເຈລະຈາກັບຜູ້ຈັດການທີມເອງ ລວມເຖິງຝ່າຍສະໂມສອນ ບາເຢິນ ມິວນິກ ເນື່ອງ ນາເກລມັນ ຍັງຮັບຄ່າຈ້າງຈາກ ບາເຢິນ ຢູ່ ແລະ ເຊລຊີ ທີ່ສິດທິທີ່ຈະພົບກັນໃນຮອບຮອງຊະນະເລີດບານເຕະຢູຟາ ແຊ໊ມປຽນ ລີກ 2022-23 ຮອບຮອງຊະນະເລີດ ເຮັດໃຫ້ການຊື້ຂາຍດັ່ງກ່າວອາດເກີດຂຶ້ນຍາກ.