ມີຄົນເສຍຊີວິດແລ້ວ 18.000 ຄົນ ຈາກພະຍາດໄຂ້ຫວັດສັດປິກ ໃນ ສະຫະລັດອາເມຣິກາ

ສຳນັກຂ່າວຕ່າງປະເທດລາຍງານວ່າ: ສູນຄວບຄຸມ ແລະ ການປ້ອງກັນ ພະຍາດ ສະຫະລັດອາເມຣິກາ ເປີດເຜີຍຍອດຜູ້ຕິດເຊື້ອໄຂ້ຫວັດສັດປີກ ພາຍໃນປະເທດ ຢ່າງໜ້ອຍ 26 ລ້ານຄົນ, ໂດຍມີ ຄົນເຈັບປິ່ນປົວ ຢູ່ໃນໂຮງໝໍ ລວມມີ 290.000 ຄົນ ແລະ ຜູ້ເສຍຊີວິດ 18.000 ຄົນ ໃນລະຫວ່າງ ລະດູການ ແພ່ລະບາດ ໃນປັດຈຸບັນ. ໃນນີ້ ເດັກນ້ອຍ ທີ່ເສຍຊີວິດ ລວມມີ 138 ຄົນ ແລະ ເຂົ້າປິ່ນປົວ ໃນໂຮງໝໍ ປະມານ 1.220 ຄົນ (ໄລ່ເຖິງວັນທີ 25 ມີນາ 2023). ນອກນັ້ນ, ເຈົ້າໜ້າທີ່ສູນ ດັ່ງກ່າວ ຍັງແນະນຳ ຜູ້ປົກຄອງໃຫ້ເອົາເດັກນ້ອຍ ອາຍຸ 6 ເດືອນຂຶ້ນໄປ ສັກວັກຊິນ ປ້ອງກັນພະຍາດ ໄຂ້ຫວັດສັດປິກ ປະຈຳປີ, ໃນຂະນະທີ່ ຍັງມີການ ຕິດເຊື້ອ ຢ່າງຕໍ່ເນື່ອງ ລວມເຖິງການຮັບຢາປ້ອງກັນ ພະຍາດນີ້ ຕາມໃບສັ່ງ ຂອງແພດໝໍ ໂດຍໄວທີ່ສຸດເພື່ອການປິ່ນປົວໃຫ້ທັນເວລາ