ການາດາ ເລັ່ງຜະລິດໝໍ໊ໄຟລົດໄຟຟ້າ ດ້ວຍການໃຊ້ພະລັງງານສະອາດດຶງດູດນັກລົງທຶນຕ່າງປະເທດ

ສຳນັກຂ່າວຕ່າງປະເທດລາຍງານວ່າ: ກາ​ນາ​ດາ ​ເລັ່ງ​ເດີນ​ໜ້າຜະລິດໝໍ້​ໄຟ​ ລົດ​ໄຟຟ້າ (EV) ດ້ວຍການນຳມາດຕະການຈູງໃຈ ທາງພາສີ, ການມີແຮ່ທາດສຳຄັນ ຈຳນວນຫລາຍ ແລະ ການໃຊ້ພະລັງງານສະອາດມາດຶງດູດ ນັກລົງທຶນຕ່າງປະເທດ. ປັດຈຸບັນ ການາດາ ເປັນປະເທດຜະລິດໝໍ້ໄຟລົດໄຟຟ້າ ແຫ່ງໃຫຍ່ ອັນດັບ 2 ຂອງໂລກ ຮອງຈາກ ສປ ຈີນ ແລະ ມີການລົງທຶນ ຫລາຍກວ່າ 18 ຕື້ໂດລາ ສະຫະລັດ.

ຫລ້າສຸດ ລັດຖະບານການາດາ ປະກາດ ຫລຸດພາສີ 30% ສຳລັບ ການຊື້ເຄື່ອງຈັກ ແລະ ອຸປະກອນໃໝ່ ສຳລັບ ການຜະລິດເຕັກໂນໂລຊີ ສະອາດ ແລະ ສຳລັບ ເຮັດບໍ່ແຮ່ສຳຄັນທີ່ໃຊ້ເຂົ້າ ໃນການຜະລິດ ໝໍ້ໄຟລົດໄຟຟ້າ. ປັດຈຸບັນ ສປ ຈີນ ຄອງຕະຫລາດ ໝໍ້ໄຟລົດ ໄຟຟ້າ 75% ສົ່ງຜົນໃຫ້ ຄວາມຕ້ອງການ ແຮ່ທາດສຳຄັນ ໃນການຜະລິດ ໝໍ້ໄຟລົດໄຟຟ້າ ອາດຈະເພີ່ມຂຶ້ນ4-6 ເທົ່າ ພາຍໃນປີ 2040.