ຍີ່ປຸ່ນ ຂະຫຍາຍເພດານອາຍຸບຳນານຂອງລັດຖະກອນ ຈາກ 60 ປີ ເພີ່ມເປັນ 61 ປີ

ສຳນັກຂ່າວຕ່າງປະເທດລາຍງານ: ວັນທີ 2 ເມສາ 2023 ຜ່ານມາ, ຍີ່ປຸ່ນປັບເພີ່ມອາຍຸບຳນານຂອງລັດຖະກອນລະດັບທ້ອງຖິ່ນ ແລະ ພາຍໃນປະເທດ ຈາກ 60 ປີ ເປັນ 61 ປີ, ການດຳເນີນການດັ່ງກ່າວເປັນສ່ວນໜຶ່ງຂອງແຜນລິເລີ່ມໂດຍພາກລັດ ເຊິ່ງຊ່ວຍຫລຸດຜ່ອນການຂາດແຄນແຮງງານ.

ລັດຖະບານຍີ່ປຸ່ນຫວັງວ່າ ການປັບເພີ່ມອາຍຸບຳນານ ຈະເຮັດໃຫ້ພະນັກງານສູງອາຍຸສາມາດໃຊ້ປະສົບການທີ່ສະສົມມາດົນ ຊ່ວຍເຫລືອຄົນຮ່ວມງານທີ່ມີອາຍຸນ້ອຍກວ່າ.