ອົງການສະຫະປະຊາຊາດ ຮັບຮອງເອົາມະຕິວ່າດ້ວຍ ດິນຟ້າອາກາດ
ວິທະຍຸສາກົນຫວຽດນາມລາຍງານວ່າ: ສະມັດຊາໃຫຍ່ ສະຫະປະຊາຊາດ(ສປຊ) ຮັບຮອງ ເອົາມະຕິແຫ່ງປະຫວັດສາດ ວ່າດ້ວຍ ດິນຟ້າອາກາດ ໂດຍສະເໜີ ສານຍຸຕິທຳສາກົນ ເຮັດແຈ້ງຄວາມຮັບຜິດຊອບຂອງບັນດາປະເທດ ສະມາຊິກໃນການປົກປັກຮັກສາດິນຟ້າອາກາດ, ໜ່ວຍໂລກ ແລະ ໄດ້ຍ້ອງຍໍສັນລະເສີນໄຊຊະນະປະຫວັດສາດ ໃຫ້ແກ່ຄວາມຍຸຕິທຳ ດ້ານດິນຟ້າອາກາດ.
ມະຕິ ດັ່ງກ່າວໄດ້ຜ່ານການ ຮັບຮັບຮອງເອົາ ຈາກ 132 ປະເທດ ສະມາຊິກສປຊ ໃນຈຳນວນປະເທດ ສະມາຊິກ ສປຊ ທັງໝົດ 193 ປະເທດ ,ໄດ້ສະແດງໃຫ້ເຫັນການສະໜັບສະໜູນຂອງປະຊາຄົມສາກົນ ຕໍ່ບັນຫາດິນຟ້າອາກາດ. ດ້ວຍມະຕິ ສະບັບນີ້ ເປັນຄັ້ງທຳອິດ ສານຍຸຕິທຳສາກົນຈະຍົກອອກຄຳເຫັນ ດ້ານນິຕິກຳ ກ່ຽວກັບການປ່ຽນແປງຂອງດິນຟ້າອາກາດ. ຈາກນັ້ນ ທ່ານ ອັນໂຕນີໂອ ກູເຕີເຣສ (Antonio Guterres), ເລຂາທິການໃຫຍ່ ສປຊ ຖະແຫລງວ່າ: ບັນດາ ປະເທດ ພວມພ້ອມກັນ ສ້າງປະຫວັດສາດ, ພ້ອມທັງເນັ້ນໜັກເຖິງ ຄຳເຫັນປຶກສາ ຂອງສານຍຸຕິທຳສາກົນ ບໍ່ມີລັກສະນະ ຜູກມັດ ດ້ານນິຕິກຳ ກໍຕາມ, ແຕ່ອົງການນີ້ຍັງຈະໜູນຊ່ວຍ ສະມັດຊາໃຫຍ່ ກໍຄື ບັນດາ ປະເທດ ສະມາຊິກ ເພື່ອຍົກອອກບັນດາການກະທຳຢ່າງແຮງ ແລະ ຂ້ຽວຂາດ ກ່ວາອີກ ເພື່ອຕອບສະໜອງ ຄວາມຕ້ອງການໃນການຮັບມືກັບການປ່ຽນແປງ ຂອງດິນຟ້າອາກາດ./.
