ທ່ານປະທານສະພາປະຊາຊົນ ນວ ຕ້ອນຮັບ ຄະນະຜູ້ແທນ ແຂວງຮ່າຕີ່ງ ສສ ຫວຽດນາມ
April 1, 2023 - 11:15 AM
ວັນທີ 30 ມີນາ 2023 ຜ່ານມາ, ທ່ານ ອານຸພາບ ຕຸນາລົມ ເລຂາຄະນະພັກ ປະທານສະພາປະຊາຊົນນະຄອນ ຫຼວງວຽງຈັນ ຕ້ອນຮັບການເຂົ້າຢ້ຽມຄຳນັບ ຂອງຄະນະຜູ້ແທນແຂວງຮ່າ ຕີ່ງ ສສ ຫວຽດນາມ ນໍາໂດຍ ທ່ານ ຮ໋ວາງ ຈຸງ ຢຸງ ເລຂາຄະນະພັກແຂວງ ປະທານສະພາປະຊາຊົນແຂວງ ຫົວໜ້າຄະນະສະມາຊິກສະພາແຫ່ງຊາດ ແຂວງຮ່າຕີ່ງ.
ໂອກາດນີ້ທ່ານເລຂາຄະນະພັກ ນວ ໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການມາຢ້ຽມຄຳນັບຂອງຄະນະຜູ້ແທນໃນຄັ້ງນີ້ ເຊິ່ງສະ ແດງໃຫ້ເຫັນເຖິງຄວາມສາມັກຄີຮັກແພງພິເສດລະຫວ່າງສອງພັກສອງລັດ ແລະ ປະຊາຊົນສອງຊາດລາວ-ຫວຽດນາມເວົ້າລວມເວົ້າສະເພາະລະ ຫວ່າງ ນວ ແລະ ແຂວງຮ່າຕີ່ງ ທີ່ມີມາແລ້ວນັ້ນໃຫ້ນັບມື້ແຕກດອກອອກ ຜົນຍິ່ງຂຶ້ນ.
ເນື່ອງໃນໂອກາດບຸນປີໃໝ່ລາວທີ່ເປັນບຸນປະເພນີຂອງລາວການນໍາແຂວງຮ່າຕີ່ງກໍໄດ້ພາກັນມາອວຍພອນການນໍາ ແລະປະຊາຊົນ ນວ ເປັນປະຈຳ ແລະ ເນື່ອງໃນໂອກາດບຸນມີໃໝ່ຊາວຫວຽດນາມການນໍາ ນວ ກໍໄດ້ໄປອວຍ ພອນການນໍາແຂວງຮ່າຕີ່ງເຊັ່ນດຽວກັນ ໂດຍລວມແລ້ວ ນວ ແລະ ແຂວງ ຮ່າຕີ່ງຍາມໃດກໍເຫັນໄດ້ຄວາມສຳຄັນຂອງການພົວພັນຮ່ວມມືສອງຝ່າຍ ແລະ ເຫັນໄດ້ຄວາມສຳຄັນຂອງບຸນປະເພນີຂອງກັນ ແລະ ກັນ ພ້ອມນີ້ຍັງ ໄດ້ລາຍງານສະພາບຜົນກະທົບຕໍ່ການພັດທະນາເສດຖະກິດ-ສັງຄົມຂອງ ນວ ຍ້ອນການລະບາດຂອງພະຍາດໂຄວິດ-19 ເປັນຕົ້ນແມ່ນບັນຫາໜີ້ສິນ ອັດຕາເງິນເຟີ້ ແລະ ອື່ນໆ ໃຫ້ຄະນະຜູ້ແທນຮັບຊາບຕື່ມອີກ.
