ອາເຈນຕິນາ ຂຶ້ນອັນດັບ 1 ຂອງໂລກ ທີມໃໝ່ ຫລັງຈົບຟີຟ່າເດ ແທນທີ່ ບຣາຊິວ ທີ່ຕົກໄປອັນດັບ 3

ເຖິງແມ່ນວ່າການຄວ້າແຊ້ມບານໂລກ 2022 ຈະບໍ່ເຮັດໃຫ້ອາເຈນຕິນາ ເລື່ອນຂຶ້ນຄອງອັນດັບ 1 ຂອງໂລກ, ແຕ່ພວກເຂົາເຮັດໄດ້ສໍາເລັດ ຫລັງຈາກຈົບການແຂ່ງຂັນ ຟີຟ່າເດ ໃນເດືອນມີນາ.

ໃນເດືອນມີນາ ທີມຊາດອາເຈນຕິນາ ເອົາຊະນະ ປານາມາ 2-0 ແລະ ຊະນະ ຄູຣາຄາ 7-0 ເຮັດໃຫ້ຄະແນນສະສົມຟີຟ່າຂອງ ອາເຈນຕິນາ ມີການເພີ່ມຂຶ້ນອີກ 2.53 ຄະແນນ.

ໃນຂະນະດຽວກັນ, ທີມຊາດບຣາຊິວ, ອັນດັບ 1 ຂອງໂລກປະຈຸບັນ. ພ່າຍແພ້ໃນເກມອຸ່ນເຄື່ອງກັບ ໂມຣັອກໂຄ ເຮັດໃຫ້ຄະແນນສະສົມຫລຸດລົງເຖິງ 6.63 ຄະແນນ ແລະ ຕົກລົງມາຢູ່ອັນດັບ 3 ຂອງໂລກ.

​ອັນ​ດັບ​ໂລກ​ຈະປະກາດຢ່າງ​ເປັນ​ທາງ​ການ​​ໃນ​ວັນ​ທີ 6 ​ເມສາ​ນີ້, ໂດຍ​ມີ​ການ​ຄາດ​ຄະ​ເນ 10 ອັນ​ດັບ​ດັ່ງ​ນີ້:
1. ອາເຈນຕິນາ
2. ປະເທດຝຣັ່ງ
3. ບຣາຊິວ
4. ແບນຊິກ
5. ອັງກິດ
6. ເນເທີແລນ
7. ໂຄຣເອເຊຍ
8. ອີຕາລີ
9. ປອກຕຸຍການ
10. ສະເປນ