ດ່ວນ! ຟີຟ່າຖອດ ອິນໂດເນຍເຊຍ ຈາກເຈົ້າພາບບານໂລກ U20 ປີ 2023
ຟີຟ່າ ຖະແຫລງການຖອນອິນໂດເນເຊຍອອກຈາກການເປັນເຈົ້າພາບບານໂລກ U20 ກາງປີນີ້ ຫລັງຈາກມີຂໍ້ຂັດແຍ່ງກັບອິສຣາແອນ.
ການແຂ່ງຂັນບານໂລກ U20 ກາງປີນີ້ ເກີດບັນຫາຂຶ້ນກັບທີມຊາດອິດສະຣາແອນ ທີ່ຜ່ານເຂົ້າຮອບປະເຊີນກັບການຂັດແຍ້ງທາງດ້ານການເມືອງ ແລະ ສາສະໜາກັບ ປາແລັດສະຕິນ ໂດຍທີ່ອິນໂດເນເຊຍ ຍັງເປັນລັດອິດສະລາມເຊັນດຽວກັນ ແລະ ປະເທດເຈົ້າພາບປະກາດຢືນຢູ່ຄຽງຂ້າງ ທັງຍັງມີຊາວອິນໂດເນເຊຍທີ່ຂູ່ວ່າຈະບໍ່ຕ້ອນຮັບນັກເຕະເຂົ້າເມືອງ.
ໂດຍທີ່ຜ່ານມາ ການຂົ່ມຂູ່ຂອງອິນໂດເນເຊຍໄດ້ບັງຄັບໃຫ້ການຈັບສະຫລາກແບ່ງກຸ່ມທີ່ກຳນົດໃນວັນທີ 31 ມີນານີ້ຖືກຍົກເລີກ.
ນັ້ນເຮັດໃຫ້ການທີ່ອິດສະຣາແອນຈະໄປແຂ່ງຂັນຢູ່ທີ່ ອິນໂດເນເຊຍ ອາດຈະເກີດເຫດ ແລະ ສ້າງຄວາມບໍ່ປອດໄພໃຫ້ກັບນັກເຕະ ແລະ ແຟນບານບານເຕະ ຈົນຫລ້າສຸດມານີ້, ຫລັງຈາກການປະຊຸມກັນລະຫວ່າງ ຈານນີ່ ອິນຟານຕິໂນ (ປະທານ FIFA) ແລະ ເອຣິກ ໂທຮີ ປະທານສະມາຄົມບານເຕະອິນໂດເນເຊຍ (PSSI), ໃຫ້ປົດອິນໂດເນເຊຍອອກຈາກເຈົ້າພາບໃນທີ່ສຸດ.
ທັ້ງນີ້ ຟີຟ່າ ຈະປະກາດປະເທດເຈົ້າພາບໃຫມ່ໃຫ້ໄດ້ໄວທີ່ສຸດທີ່ເປັນໄປໄດ້. ໂດຍຍັງບໍ່ມີແຜນການທີ່ຈະປ່ຽນຕາຕະລາງການແຂ່ງຂັນ ແລ ະອາດຈະມີການລົງໂທດຕໍ່ມາໂດຍສະມາຄົມ PSSI ໃນພາຍຫລັງ.
