ຄະນະບໍລິຫານແມນຢູ ໄຟຂຽວ 80 ລ້ານປອນຍື່ນຄວ້າ ແຮຣີ ເຄນ

ສື່ລາຍງານ ຄະນະບໍລິຫານຂອງ ແມນເຊສເຕີ ຢູໄນເຕັດ ອະນຸມັດງົບ 80 ລ້ານປອນ ໃນການຍື່ນຂໍ້ສະເໜີຄວ້າຕົວ ແຮຣີ ເຄນ ກອງໜ້າ ທັອດແນມ ຮັອດສະເປີ ມາຮ່ວມທີມ.

ສຳລັບ ເຄນ ຢູ່ໃນບັນຊີເປົ້າຫມາຍໃນການເສີມທີມຕຳແໜ່ງກອງໜ້າຂອງ ເອຣິກ ເທນ ຮາກ ໃນຕະຫລາດນັກເຕະລະດູການນີ້ ເຊ່ັນດຽວກັບ ວິກເຕີ ໂອຊິມເຮນ ຈາກ ນາໂປລີ ແລະ ຣ໊ອດັລ ໂຄໂລ ມູອາມີ ກອງໜ້າ ໄອທຣັກ ແຟຣັງເຟີດເປັນຕົ້ນ.

ຂະນະທີ່ອະນາຄົດຂອງຫົວໜ້າທີມຊາດກັບ ສະເປີ ຍັງເຕັມໄປດ້ວຍຄວາມບໍ່ແນ່ນອນຫລັງສັນຍາຂອງລາວກັບທີມເຫລືອເຖິງໄລຍະໜ້າຮ້ອນ 2024 ແລະ ຍັງບໍ່ມີການຂະຫຍາຍສັນຍາອອກໄປແຕ່ຢ່າງໃດ.

ຈົນຫລ້າສຸດ The Mirror ສື່ອັງກິດລະບຸວ່າ ຄະນະບໍລິຫານຂອງ ແມນເຊສເຕີ ຢູໄນເຕັດ ໄດ້ຕົກລົງອະນຸມັດງົບ 80  ລ້ານປອນ ໃຫ້ ເທນ ຮາກ ໃນການຍື່ນຂໍ້ສະເໜີທຳອິດຄວ້າ ເຄນ ນັກເຕະເປົ້າຫມາຍຫລັກມາເສີມໃນລະດູການນີ້.