ແຂວງບໍ່ແກ້ວ ແຈ້ງການໃຫ້ບັນດາໂຮງຮຽນອະນຸບານ ທີ່ຢູ່ໃນຂອບເຂດທົ່ວແຂວງທັງພາກລັດ ແລະ ເອກະຊົນ ພັກການຮຽນຊົ່ວຄາວ 28 – 31 ມີນາ 2023
March 28, 2023 - 5:17 PM
ວັນທີ 28 ມີນາ 2023 ນີ້ ພະແນກສຶກສາທິການ ແລະ ກິລາແຂວງບໍ່ແກ້ວອອກແຈ້ງການ ໃຫ້ຊາບວ່າ: ໃນລະຫວ່າງ ວັນທີ່ 28 – 31 ມີນາ 2023 ໃຫ້ບັນດາໂຮງຮຽນອະນຸບານ ທີ່ຢູ່ໃນຂອບເຂດທົ່ວແຂວງທັງພາກລັດ ແລະ ເອກະຊົນ ພັກການຮຽນຊົ່ວຄາວ, ສ່ວນຊັ້ນປະຖົມສຶກສາ, ມັດທະຍົມສຶກສາ, ໂຮງຮຽນອາຊີວະສຶກສາ ແມ່ນໃຫ້ດໍາເນີນການຮຽນ-ການສອນປົກະຕິ, ຫ້າມບໍ່ໃຫ້ຈັດກິດຈະກໍາກາງແຈ້ງທຸກ ປະເພດ ແລະ ໃຫ້ມີການແນະນໍານ້ອງນັກຮຽນ, ພະນັກງານຄູ-ອາຈານ ໃສ່ຜ້າອັດປາກ-ອັດດັງ ພ້ອມທັງປະຕິບັດ ຕາມມາດຕະການທີ່ກະຊວງສາທາລະນະສຸກແນະນໍາ ເພື່ອປ້ອງກັນຜົນກະທົບຈາກຝຸ່ນຄວັນດັ່ງກ່າວ.
ມອບໃຫ້ຫ້ອງການສຶກສາທິການ ແລະ ກິລາເມືອງ ແຕ່ລະເມືອງ ແຈ້ງຕໍ່ບັນດາໂຮງຮຽນທີ່ຂຶ້ນກັບຂອງຕົນປະຕິບັດຢ່າງຮີບດ່ວນ.
