ໂຣມ່າ ລັອກເປົ້າດຶງ ຄອນເຕ້ ຄຸມທີມ ແທນທີ່ ມູຣິນໂຢ ທີ່ອະນາຄົດບໍ່ແນ່ນອນ ອາດອຳລາສະໂມສອນຫລັງຈົບລະດູການນີ້
ອັນໂຕນີໂອ ຄອນເຕ້ ຄູຝຶກສອນຊາວອິຕາລີ ກາຍເປັນໂຕເຕັງທີ່ຈະເຂົ້າມາຮັບງານຄຸມໝາປ່າ ໂຣມ່າ ແທນທີ່ ໂຈເຊ ມູຣິນໂຢ ຫົວໜ້າຄູຝຶກໃນລະດູການໜ້າ.
ຄູຝຶກສອນຊາວອິຕາລີ ກາຍເປັນຄົນຫວ່າງງານສົດໆໃໝ່ໆ ຫລັງຈາກແຍກທາງກັບ ທັອດແນມ ຮັອດສະເປີ ໂດຍການຍິນຍອມພ້ອມໃຈກັນທັງສອງຝ່າຍໃນວັນອາທິດຜ່ານມາ.
ຂະນະທີ່ອະນາຄົດຂອງ ມູຣິນໂຢ ທີ່ປັດຈຸບັນຍັງບໍ່ແນ່ນອນວ່າຈະໄດ້ຮ່ວມງານນຳ “ຈາໂລ ໂຣສຊີ” ຕໍ່ໄປ ຫລືບໍ່, ເຮັດໃຫ້ຄະນະອຳນວຍການທີມດັງໃນນະຄອນຫລວງອີຕາລີ ສະແດງຄວາມສົນໃຈທີ່ຢາກໃຫ້ ຄອນເຕ້ ເຂົ້າມາສານງານຕໍ່.
La Gazzetta dello Sport ລາຍງານວ່າ ໂຣມ່າ ຕ້ອງການໃຫ້ ມູຣິນໂຢ ຢູ່ກັບສະໂມສອນຕໍ່ໄປ ແຕ່ໃນທີ່ສຸດ, ການເຈລະຈາເລີ່ມເຖິງທາງຕັນຍ້ອນເຈົ້ານາຍຊາວປອກຕຸຍການ ພ້ອມແລ້ວທີ່ຈະແຍກທາງກັບ ເອເຈນຊີ ຫລັງຈາກລະດູການນີ້.
ຄອນເຕ້ ຖືວ່າເປັນຄູຝຶກສອນທີ່ມີປະສົບການທີ່ດີເຊັ່ນກັນ. ຜ່ານມາລາວໄດ້ຄຸມຫລາຍສະໂມສອນໃນອິຕາລີ, ໂດຍສະເພາະ ຢູເວນຕຸສ ແລະ ອິນເຕີ ມີລານ, ເຊິ່ງເຂົາໄດ້ນໍາພາທີມຄວ້າແຊ້ມ Serie A ໄດ້ສຳເລັດ, ດັ່ງນັ້ນນີ້ອາດຈະເປັນທາງເລືອກທີ່ດີສໍາລັບ ໂຣມ່າ ຖ້າທີມທີ່ຢາກລຸ້ນແຊ້ມລີກໃນອະນາຄົດ.
