ຜະລິດຕະພັນພືດ ທີ່ສົ່ງອອກໄປ ສປ ຈີນ ພົ້ນເດັ່ນກວ່າໝູ່ແມ່ນມັນຕົ້ນ

ວາລະສານກະສິກຳ ແລະ ປ່າໄມ້ ລາຍງານໃຫ້ຮູ້ວ່າ: ຕົວເລກການສົ່ງອອກພືດ ແລະ ຜະລິດຕະພັນ ຜ່ານດ່ານກັກກັນພືດສາກົນ ນັບແຕ່ວັນທີ 10 ກຸມພາ 2022–10 ມີນາ 2023 ມີຈໍານວນ 913.528 ໂຕນ ມີມູນຄ່າທັງໝົດ 164.923.710 ໂດລາສະຫະລັດ (ເທົ່າກັບ 14.99% ຂອງແຜນການ 1.100 ລ້ານ ໂດລາສະຫະລັດ).
ໃນຈໍານວນດັ່ງກ່າວ, ລາຍການສົ່ງອອກທີ່ພົ້ນເດັ່ນກວ່າໝູ່ໄດ້ແກ່: ມັນຕົ້ນ 522.911 ໂຕນ, ມູນຄ່າ 77.775.733 ໂດລາສະຫະລັດ (ໄປປະເທດ ຈີນ, ຫວຽດນາມ, ໄທ); ໝາກກ້ວຍ 103.108 ໂຕນ, ມູນຄ່າ 26.603.090 ໂດລາສະຫະລັດ (ຈີນ, ຫວຽດນາມ, ໄທ, ຍີ່ປຸ່ນ); ອ້ອຍ 90.587 ໂຕນ, ມູນຄ່າ 3.442.306 ໂດລາສະຫະລັດ (ໄປປະເທດ ຈີນ); ໝາກໂມ 35.229 ໂຕນ, ມູນຄ່າ 8.807.250 ໂດລາສະຫະລັດ (ໄປປະເທດ ຈີນ); ສາລີ 26.732 ໂຕນ, ມູນຄ່າ 6.738.119 ໂດລາສະຫະລັດ (ໄປປະເທດ ຈີນ, ຫວຽດນາມ ແລະ ໄທ) ແລະ ອື່ນໆ.