ທາງການສະຫະລັດ ເຕືອນປະຊາຊົນຫ້າມໃຊ້ ນ້ຳຕາທຽມ Ezri Care ແລະ Delsam Pharma ຫລັງພົບສານປົນເປື້ອນເຊື້ອແບັດທີເຣຍ

ສຳນັກຂ່າວ cnn ລາຍງານວ່າ: ທາງການສະຫະລັດປະກາດເຕືອນປະຊາຊົນຫ້າມໃຊ້ຢາຢອດຕາ ຫລື ນ້ຳຕາທຽມ ຍີ່ຫໍ້ Ezri Care ແລະ Delsam Pharma ຫລັງພົບການຕິດເຊື້ອແບັດທີເຣຍ ສົ່ງຜົນໃຫ້ມີຜູ້ເສຍຊີວິດແລ້ວ 3 ຄົນ, ຕາບອດ 8 ຄົນ ແລະ ອີກ 4 ຄົນຕ້ອງຜ່າຕັດເອົາໜ່ວຍຕາອອກ.

ຕາມຂໍ້ມູນຂອງສູນຄວບຄຸມ ແລະ ປ້ອງກັນພະຍາດຂອງສະຫະລັດ CDC ລະບຸວ່າ: ເຊື້ອແບັດທີເຣຍຊູໂດໂມແນດ ສາມາດພົບໄດ້ທົ່ວໄປຕາມທຳມະຊາດ ສາມາດເຮັດໃຫ້ເກີດການຕິດເຊື້ອໃນກະແສເລືອດ, ແກ້ວຕາ, ທາງເດີນຫາຍໃຈ, ແລະ ທາງເດີນປັດສະວະ , ສ່ວນໃຫຍ່ເຊື້ອພະຍາດດັ່ງກ່າວມັກພົບໃນສະຖານພະຍາບານບໍ່ສະອາດ ຫລື ບໍ່ຖືກສຸຂະອະນາໄມ.

ສຳລັບອາການຂອງການຕິດເຊື້ອຈະມີການສະແດງອອກຄື: ຂີ້ຕາສີເຫລືອງ ຫລື ຂຽວ, ປວດ ຫລື ບໍ່ສະບາຍຕາ, ເປືອກຕາແດງຮູ້ສຶກຄືມີຫຍັງຢູ່ໃນຕາ, ຕາອ່ອນໄຫວຕໍ່ແສງ ຫລື ສູ້ແສງບໍ່ໄດ້ ແລະ ເບິ່ງບໍ່ເຫັນ.

https://www.thainewsonline.co/news/social/849914

https://www.khaosod.co.th/around-the-world-news/news_7577005