ອາເຈນຕີນາ ປ່ຽນຊື່ສູນຝຶກຊ້ອມທີມຊາດຕາມ ເມສຊີ

ສະມາຄົມບານເຕະອາເຈນຕີນາ (AFA) ໄດ້ທຳການປ່ຽນຊື່ສູນຝຶກທີມຊາດເປັນຊື່ຂອງ ລີໂອເນລ ເມສຊີ ກອງໜ້າຊຸບເປີສະຕາຂອງ ປາຣີສ ແຊັງ ແຊັກແມັງ ເພື່ອເປັນກຽດໃຫ້ກັບນັກເຕະລາຍນີ້.

ສຳລັບ ເມສຊີ ຫາກໍມີສ່ວນສຳຄັນໃນການພາ ອາເຈນຕີນາ ຄວ້າແຊ໊ມບານເຕະໂລກ 2022 ມາຄອງພ້ອມເປັນແຊ໊ມດັ່ງກ່າວສະໄຫມທີ 3 ຂອງອາເຈນຕີນາ ຫລັງລະເບີດຜົນງານດ້ວຍການຍິງໄປ 7 ປະຕູ ພ້ອມຄວ້າລາງວັນນັກເຕະດີເດັ່ນ ຫລື ບານຄຳ ປະຈຳລາຍການນຳອີກ.

ຈາກຜົນງານທີ່ເກີດຂຶ້ນເຮັດໃຫ້ AFA ໄດ້ທຳການປ່ຽຊື່ສູນຝຶກທີມຊາດຈາກຊື່ເກ່ົາຄື ຄາຊາ ເດ ອີໄຊຊາ ເປັນ “ ລີໂອເນລ ອັນເດຣສ ເມສຊີ ” ຫລື ຊື່ເຕັມຂອງ ເມສຊີ ເພື່ອເປັນກຽດ ແລະ ຍ້ອງຍໍດາວເຕະອາຍຸ 35 ປີ ລາຍນີ້ ເຊິ່ງຫລາຍຄົນເບິ່ງວ່າຄືນັກເຕະທີ່ຍິ່ງໃຫຍ່ທີ່ສຸດຕະຫລອດການ.

ຫລັງການປ່ຽນຊື່ ເມສຊີ ໄດ້ໂພສຜ່ານອິນສະຕາແກຣນສ່ວນຕົວເຖິງຄວາມຮູ້ສຶກວ່າ : “ ລາງວັນນີ້ເປັນຫນຶ່ງໃນລາງວັນທີ່ສວຍງາມທີ່ສຸດເທົ່າທີ່ຂ້ອຍເຄີຍໄດ້ຮັບມາ ນີ້ເປັນກຽດຢ່າງຍິ່ງ ຂອບໃຈຫລາຍໆ ”.