ຕຳຫລວດໄຊເບີໄທ ບຸກທຳລາຍເຄືອຂ່າຍເວັບພະນັນເຖື່ອນ slotking77 ຈັບກຸມຜູ້ຕ້ອງຫາ 11 ຄົນ ພ້ອມຢຶດຂອງກາງຫລາຍກວ່າ 70 ລ້ານບາດ ປະມານ 35 ຕື້ກີບ
ສຳນັກຂ່າວໄທລາຍງານວ່າ: ວັນທີ 25 ມີນາ 2023 ນີ້, ກອງບັນຊາການຕຳຫລວດສືບສວນສອບສວນອາຊະຍາກຳທາງເຕັກໂນໂລຊີ ຖະແຫລງຜົນປະຕິບັດການເຄືອຂ່າຍເວັບພະນັນອອນລາຍ ຈັບກຸມຜູ້ກະທຳຜິດ ແລະ ກວດຢຶດຊັບສິນຫລາຍກວ່າ 70 ລ້ານບາດ ຫລື ປະມານ 35 ຕື້ກີບ.
ຈາກການສືບສວນພົບວ່າ:໊ ມີການຫລິ້ນພະນັນອອນລາຍກ່ຽວກັບ ທວາຍຜົນເຕະບານ, ເກມສະລອດ, ເກມຍິງປາ, ປິງໂກ ແລະ ເກມອື່ນໆ ທີ່ມີການຝາກ, ຖອນ ເງິນສົດສຳລັບບັດເຄດິດ, ຈາກນັ້ນເຈົ້າໜ້າທີ່ຈຶ່ງໄດ້ລວບລວມຫລັກຖານເພື່ອຂໍໝາຍຄົ້ນສານເພື່ອເຂົ້າກວດຄົ້ນ 4 ຈຸດ, ເຊິ່ງສາມາດ ຈັບຜູ້ຕ້ອງຫາໄດ້ 11 ຄົນ ພ້ອມຢຶດລົດຟອດ ຍີ່ຫໍ້ມາສແຕງ 1 ຄັນ, ລົດໂຕໂຢຕາ ຍີ່ຫໍ້ ອັນພາດ 1 ຄັນ ຍີ່ຫໍ້ ຄຣອດ 1 ຄັນ, ລົດບັນທຸກ 1 ຄັນ, ລົດກະບະ 4 ຄັນ, ລົດປໍເຊ່ 2 ຄັນ, ລົດຈັກ 3 ຄັນ, ໂມງ 1 ໜ່ວຍ, ກະເປົາແບຣນເນມ, ທອງຮູບປະພັນ 5 ບາດ, ປືນ 2 ບອກ ແລະ ຊັບສິນອື່ນໆອີກຈຳນວນຫລາຍ.
ສຳຫລັບເວັນພະນັນ slotking77.com ນີ້ເປັນເຄືອຂ່າຍພະນັນອອນລາຍຂະໜາດໃຫຍ່ ເຊິ່ງນຳໃຊ້ມາປະມານ 3 ປີ ໂດຍມີສະມາຊິກເວັບລະ 35,000 ຄົນ, ນອກນັ້ນຍັງກວດພົບເຄືອຂ່າຍເວັບພະນັນອື່ນໆເພີ່ມເຕີມອີກຈຳນວນຫລາຍເວັບຈະໄດ້ທຳການສືບສວນ ແລະ ຂະຫຍາຍຜົນຕໍ່ໄປ.
