ທ່ານ ເນທັນຢາຮູ ປະກາດເດີນໜ້າແຜນປະຕິຮູບສານສູງສຸດ ເຖິງວ່າຊາວອິດສະລາແອນປະທ້ວງໜັກ

ທ່ານ ເບັນຈາມິນ ເນທັນຢາຮູ ນາຍົກລັດຖະມົນຕີຂອງອິດສະລາແອນ ປະກາດເດີນໜ້າແຜນປະຕິຮູບສານສູງສຸດ ເຖິງວ່າຊາວອິດສະລາແອນຈໍານວນຫລາຍຈະປະທ້ວງ ແລະ ຕໍ່ຕ້ານຢ່າງໜັກ ໂດຍການຜ່ານຮ່າງກົດໝາຍສະບັບໃໝ່ທີ່ເຮັດໃຫ້ສານຖອດຖອນຜູ້ດໍາລົງຕໍາແໜ່ງທາງການເມືອງໄດ້ຍາກຂຶ້ນໃນວັນທີ 23 ມີນາ ຍິ່ງເຮັດໃຫ້ສະຖານະການຢູ່ອິດສະລາແອນຮຸນແຮງຂຶ້ນ.

ຊາວອິດສະລາແອນຫລາຍໝື່ນຄົນນັດລວມຕົວປະທ້ວງຢູ່ເມືອງສໍາຄັນຕ່າງໆທົ່ວປະເທດ ໂດຍສະເພາະຢູ່ເມືອງເທລອາວີບ ຖະໜົນຫລາຍເສັ້ນຖືກປິດກັ້ນ. ຂະນະທີ່ເຈົ້າໜ້າທີ່ດ້ານຄວາມໝັ້ນຄົງພະຍາຍາມໃຊ້ລົດສີດນໍ້າເພື່ອສະຫລາຍການຊຸມນຸມ ໂດຍມີຜູ້ຮ່ວມຊຸມນຸມບາງສ່ວນຖືກເຈົ້າໜ້າທີ່ຄວບຄຸມຕົວໄປດໍາເນີນຄະດີຕາມກົດໝາຍ.

ທ່ານ ເນທັນຢາຮູ ຍັງລະບຸອີກວ່າ: ຕົນເອງຈະເຮັດທຸກຢ່າງເພື່ອໃຫ້ສະຖານະການສະຫງົບລົງ ແລະ ເກີດຄວາມສາມັກຄີຂຶ້ນພາຍໃນປະເທດ, ພ້ອມທັງເນັ້ນວ່າ: ຕົນເອງຈະບໍ່ປ່ອຍໃຫ້ຂໍ້ຂັດແຍ່ງໃດໆ ເປັນອັນຕະລາຍຕໍ່ອະນາຄົດຂອງຊາວອິດສະລາແອນທຸກຄົນ ແລະ ໃຫ້ຄໍາໝັ້ນວ່າ: ລັດຖະບານອິດສະລາແອນຈະພະຍາຍາມຫາທາງອອກທີ່ອີກຝ່າຍສະເໜີ ແລະ ຝ່າຍຕໍ່ຕ້ານສາມາດຍອມຮັບໄດ້.

ອ້າງອີງ:

https://www.timesofisrael.com/crushing-a-potential-mini…/

https://www.dw.com/…/israel-passes-law…/a-65089160

https://www.bbc.com/news/world-middle-east-65049937